Sýret: ashyq derekkóz
2024 jylǵy maýsymda UQK materialdary boiynsha terroristik sipattaǵy qylmystar jasaǵany úshin Qazaqstannyń úsh azamaty sottaldy, dep habarlaidy "Ult aqparat".
3 jáne 7 maýsymda Shymkent qalasynyń qylmystyq ister jónindegi mamandandyrylǵan aýdanaralyq sotymen terrorizmdi nasihattaý faktisi boiynsha eki jergilikti turǵynnyń árbiri 7 jylǵa bas bostandyǵynan aiyryldy.
Olardyń ainalasyndaǵylar arasynda, sondai-aq messendjerler men áleýmettik jeliler arqyly radikaldy dini materialdardy taratqany anyqtaldy.
11 maýsymda Astana qalasynyń qylmystyq ister jónindegi aýdanaralyq sotymen osyǵan uqsas qylmysy úshin túzetý mekemesinde ustalýdaǵy elorda turǵyny 6 jylǵa qosymsha bas bostandyǵynan aiyryldy.
Aita ketý kerek, biylǵy aqpanda ol bilikti basyp alýǵa, terroristik topty qurýǵa jáne basqarýǵa, terroristik áreketti uiymdastyrý maqsatynda jaldaýǵa, terrorizmdi nasihattaýǵa jáne qarjylandyrýǵa kópshilik aldynda shaqyrǵany úshin 20 jylǵa sottalǵan.
Alaida tergeý izoliatorynda bolǵan kezde ol zańsyz áreketterdi toqtatpaǵan jáne kameralastaryna terrorizm ideologiiasyn taratýǵa tyrysqan.
