Foto: Tengrinews.kz
Astanada jalǵan operator abonentterdi aldaǵan, - dep habarlaidy "Ult aqparat" Polisia.kz saityna silteme jasap.
Elordanyń 23 jastaǵy turǵyny ózin uialy bailanys call-ortalyǵynyń operatory retinde tanystyryp, paidalanýshylardy aldaǵan. Áleýmettik jelilerde azamattardyń jeke derekterin qarap alyp, olarǵa 450 myń teńge mólsherinde utys týraly habarlama jibergen.
"Júldeni alý úshin abonentter óz balansyn 10-12 myń teńgege tolyqtyrýy qajet bolǵan. Sonymen bir ýaqytta, uialy bailanys operatorynyń mobildi qosymshasynda ol basqa bireýdiń nómiri men klientter bergen SMS-kod nómirlerin engizgen. Alaida, jalǵan operatorǵa SMS-kodty habarlaǵannan keiin abonentter salǵan qarajat olardyń balansynan sheship alynǵan.
Búginde 10-ǵa jýyq aldanǵan azamat politsiiaǵa júgindi, biraq odan da kóp zardap shekkender bolýy múmkin. Zalal somasy anyqtalyp jatyr. Derekke qatysty QR QK-niń 190-baby ("Alaiaqtyq") boiynsha sotaldy tergeý amaldary júrgizilip jatyr", - delingen habarlamada.
Kúdikti moiyndaý kórsetpelerin berdi. Onyń elorda aýmaǵynda buryn jasalǵan osyǵan uqsas qylmystarǵa qatysy bar-joǵy anyqtalyp jatyr.
