فوتو: Tengrinews.kz
استانادا جالعان وپەراتور ابونەنتتەردٸ الداعان, - دەپ حابارلايدى "ۇلت اقپارات" Polisia.kz سايتىنا سٸلتەمە جاساپ.
ەلوردانىڭ 23 جاستاعى تۇرعىنى ٶزٸن ۇيالى بايلانىس call-ورتالىعىنىڭ وپەراتورى رەتٸندە تانىستىرىپ, پايدالانۋشىلاردى الداعان. ەلەۋمەتتٸك جەلٸلەردە ازاماتتاردىڭ جەكە دەرەكتەرٸن قاراپ الىپ, ولارعا 450 مىڭ تەڭگە مٶلشەرٸندە ۇتىس تۋرالى حابارلاما جٸبەرگەن.
"جٷلدەنٸ الۋ ٷشٸن ابونەنتتەر ٶز بالانسىن 10-12 مىڭ تەڭگەگە تولىقتىرۋى قاجەت بولعان. سونىمەن بٸر ۋاقىتتا, ۇيالى بايلانىس وپەراتورىنىڭ موبيلدٸ قوسىمشاسىندا ول باسقا بٸرەۋدٸڭ نٶمٸرٸ مەن كليەنتتەر بەرگەن سمس-كود نٶمٸرلەرٸن ەنگٸزگەن. الايدا, جالعان وپەراتورعا SMS-كودتى حابارلاعاننان كەيٸن ابونەنتتەر سالعان قاراجات ولاردىڭ بالانسىنان شەشٸپ الىنعان.
بٷگٸندە 10-عا جۋىق الدانعان ازامات پوليتسيياعا جٷگٸندٸ, بٸراق ودان دا كٶپ زارداپ شەككەندەر بولۋى مٷمكٸن. زالال سوماسى انىقتالىپ جاتىر. دەرەككە قاتىستى قر قك-نٸڭ 190-بابى ("الاياقتىق") بويىنشا سوتالدى تەرگەۋ امالدارى جٷرگٸزٸلٸپ جاتىر", - دەلٸنگەن حابارلامادا.
كٷدٸكتٸ مويىنداۋ كٶرسەتپەلەرٸن بەردٸ. ونىڭ ەلوردا اۋماعىندا بۇرىن جاسالعان وسىعان ۇقساس قىلمىستارعا قاتىسى بار-جوعى انىقتالىپ جاتىر.
