Astanaǵa Qazaq ónerine arnalǵan qalamgerler men shyǵarmashylyq úii salynsa...
J.Táshenovtyń Stalindik qyzyl terrordan jazyqsyz japa shekkenderdi aqtaý kezinde airyqsha belsendilik tanytqan repressiia qurbandaryn aqtaý jónindegi respýblikalyq komissiianyń tóraǵalyǵyna sailanyp, E.Bekmahanov, Q.Muhamethanov, H. Esenjanov,Z.Shashkin syndy qazaq ǵalymdary men aqyn-jazýshylaryn sózbuidaǵa salmai, abaqtydan dereý shyǵarýda úlken eńbek sińirgeni belgili. Ol bastaǵan komissiia Sáken, Iliias, Beiimbet syndy halqymen qaita qaýyshqan arystardyń shyǵarmalaryn sol jyldarda óte sapaly etip shyǵarýǵa airyqsha kúsh salyp, «alashordashyl», «ultshyl», degen aidar taǵylǵandardyń bárin aqtaýǵa tyrysqan edi.
Osyndai el azamaty ózi qyzmette turǵanda alash arystyrynyń jaqyndaryna da kómek qolyn aiamady. «Halyq jaýy» jalasynan arylmaǵan Maǵjan Jumabaevtyń zaiyby Zyliha anamyzǵa Almatydaǵy Áýezov pen Ǵabdýllin kósheleriniń qiylysynda salynǵan úiden baspana bergeni áli de el esinde.
1960 jyldary Ministrler keńesine tóraǵa bolyp, qazirgi Qonaev pen Qabanbai batyr kósheleriniń qiylysyndaǵy 121 páterli úidi túgelimen óner men ádebiet qairatkerlerine bergizedi. Ol úidi osy kúnge deiin «Qazaq aýyly» nemese «Táshenovtiń úii» dep aitady. Bul úide Iliias Omarov, Bibigúl Tólegenova, Káýken Kenjetaev, Jamal Omarova, Shara Jienqulova syndy tanymal tulǵalar turǵan.
Shyǵarmashylyq odaqtar ókilderine úi-páter bergendigi úshin Almatynyń ortasynda “qazaq aýylyn” qurdy dep aiyptalǵany tarihta jazylyp qaldy.
Elordasy Astanaǵa 20 jyl toldy. Kórkeidi, ósti. Biraq, áli de el rýhaniiatyna qajet atqarylar ister kóp.
Astanaǵa jan-jaqtan kelgen óner qairatkerleriniń jalpy jiyny 200 – den asady. Olardyń jartysynan kóbi baspanamen qamtylǵan. Degenmen de Elorda úshin Táshenov syndy bir qazaq qairatkeri shyǵyp, tek qalamgerler men shyǵarmashylyq ielerine arnalǵan «Qazaq óneri» turǵyn úii salynsa quba-qup bolar edi. Óner adamdarynyń birimen-biri etene aralasýyna, shyǵarmashylyq qarym-qatynasta bolýyna úlken yqpaly zor naǵyz rýhani jańǵyrý nátijesi kóriner edi.
Solai bolyp jatsa, qazaq tarihyna laiyq qundy eńbekter, eleýli kino týyndylary, san qily sýret óneri, t.b. óner órisi jarqyrai túseri haq.
Óner qashanda birine-biri tamyzyq, shyraq qoi.
Almahan Muhametqaliqyzy
.jpg)