استاناعا شىعارماشىلىق ٷيٸ سالىنسا...

استاناعا قازاق ٶنەرٸنە ارنالعان قالامگەرلەر مەن شىعارماشىلىق ٷيٸ سالىنسا...

ج.تەشەنوۆتىڭ ستاليندٸك قىزىل تەرروردان جازىقسىز جاپا شەككەندەردٸ اقتاۋ كەزٸندە ايرىقشا بەلسەندٸلٸك تانىتقان رەپرەسسييا قۇرباندارىن اقتاۋ جٶنٸندەگٸ رەسپۋبليكالىق كوميسسييانىڭ تٶراعالىعىنا سايلانىپ, ە.بەكماحانوۆ, ق.مۇحامەتحانوۆ, ح. ەسەنجانوۆ,ز.شاشكين سىندى قازاق عالىمدارى مەن اقىن-جازۋشىلارىن سٶزبۇيداعا سالماي, اباقتىدان دەرەۋ شىعارۋدا ٷلكەن ەڭبەك سٸڭٸرگەنٸ بەلگٸلٸ. ول باستاعان كوميسسييا سەكەن, ٸليياس, بەيٸمبەت سىندى حالقىمەن قايتا قاۋىشقان ارىستاردىڭ شىعارمالارىن سول جىلداردا ٶتە ساپالى ەتٸپ شىعارۋعا ايرىقشا كٷش سالىپ, «الاشورداشىل», «ۇلتشىل», دەگەن ايدار تاعىلعانداردىڭ بەرٸن اقتاۋعا تىرىسقان ەدٸ. 

وسىنداي ەل ازاماتى ٶزٸ قىزمەتتە تۇرعاندا الاش ارىستىرىنىڭ جاقىندارىنا دا كٶمەك قولىن ايامادى. «حالىق جاۋى» جالاسىنان ارىلماعان ماعجان جۇماباەۆتىڭ زايىبى زىليحا انامىزعا الماتىداعى ەۋەزوۆ پەن عابدۋللين كٶشەلەرٸنٸڭ قيىلىسىندا سالىنعان ٷيدەن باسپانا بەرگەنٸ ەلٸ دە ەل ەسٸندە.

1960 جىلدارى مينيسترلەر كەڭەسٸنە تٶراعا بولىپ, قازٸرگٸ قوناەۆ پەن قابانباي باتىر كٶشەلەرٸنٸڭ قيىلىسىنداعى 121 پەتەرلٸ ٷيدٸ تٷگەلٸمەن ٶنەر مەن ەدەبيەت قايراتكەرلەرٸنە بەرگٸزەدٸ. ول ٷيدٸ وسى كٷنگە دەيٸن «قازاق اۋىلى» نەمەسە «تەشەنوۆتٸڭ ٷيٸ» دەپ ايتادى. بۇل ٷيدە يليياس وماروۆ, بيبٸگٷل تٶلەگەنوۆا, كەۋكەن كەنجەتاەۆ, جامال وماروۆا, شارا جيەنقۇلوۆا سىندى تانىمال تۇلعالار تۇرعان.

شىعارماشىلىق وداقتار ٶكٸلدەرٸنە ٷي-پەتەر بەرگەندٸگٸ ٷشٸن الماتىنىڭ ورتاسىندا “قازاق اۋىلىن” قۇردى دەپ ايىپتالعانى تاريحتا جازىلىپ قالدى.

ەلورداسى استاناعا 20 جىل تولدى. كٶركەيدٸ, ٶستٸ. بٸراق, ەلٸ دە ەل رۋحانيياتىنا قاجەت اتقارىلار ٸستەر كٶپ. 

استاناعا جان-جاقتان كەلگەن ٶنەر قايراتكەرلەرٸنٸڭ جالپى جيىنى 200 – دەن اسادى. ولاردىڭ جارتىسىنان كٶبٸ باسپانامەن قامتىلعان. دەگەنمەن دە ەلوردا ٷشٸن تەشەنوۆ سىندى بٸر قازاق قايراتكەرٸ شىعىپ, تەك قالامگەرلەر مەن شىعارماشىلىق يەلەرٸنە ارنالعان «قازاق ٶنەرٸ» تۇرعىن ٷيٸ سالىنسا قۇبا-قۇپ بولار ەدٸ. ٶنەر ادامدارىنىڭ بٸرٸمەن-بٸرٸ ەتەنە ارالاسۋىنا, شىعارماشىلىق قارىم-قاتىناستا بولۋىنا ٷلكەن ىقپالى زور ناعىز رۋحاني جاڭعىرۋ نەتيجەسٸ كٶرٸنەر ەدٸ.

سولاي بولىپ جاتسا, قازاق تاريحىنا لايىق قۇندى ەڭبەكتەر, ەلەۋلٸ كينو تۋىندىلارى, سان قيلى سۋرەت ٶنەرٸ, ت.ب. ٶنەر ٶرٸسٸ جارقىراي تٷسەرٸ حاق. 

ٶنەر قاشاندا بٸرٸنە-بٸرٸ تامىزىق, شىراق قوي.

الماحان مۇحامەتقاليقىزى