Astanaǵa esirtkiniń iri partiiasyn jetkizbek bolǵan 20 jastaǵy er adam men 18 jastaǵy qyz ustaldy. Kúdiktilerden jalpy salmaǵy 3 keliden asatyn mefedron tárkilendi, dep habarlaidy ult.kz.
Jedel-izdestirý is-sharalary barysynda politsiia kúdiktiler otyrǵan KIA kóligin elordaǵa kireberistegi beketterdiń birinde toqtatqan. Kólikti tintý kezinde eki vakýýmdalǵan paket salynǵan qorap tabyldy.
Paketterden aq tústi untaq tárizdi zat tárkilenip, saraptama onyń mefedron ekenin rastady. Esirtkiniń jalpy salmaǵy 2 keli bolǵan.
Budan bólek, kúdiktiler turǵan páterge tintý júrgizilip, taǵy 1 kelige jýyq osyndai zat tabyldy. Sondai-aq esirtkini ólshep, oraýǵa arnalǵan zattar tárkilendi.
Osylaisha, politsiia jalpy salmaǵy 3 keliden asatyn esirtki zatyn tárkiledi. Atalǵan fakti boiynsha qylmystyq is qozǵalyp, eki kúdikti de ýaqytsha ustaý izoliatoryna qamaldy.
Qazirgi ýaqytta politsiia esirtkini jetkizý jáne taratý arnalarynyń jolyn anyqtap, jolyn kesý boiynsha jumysty jalǵastyryp jatyr.
