استاناعا ەسٸرتكٸنٸڭ ٸرٸ پارتيياسىن جەتكٸزبەك بولعان 20 جاستاعى ەر ادام مەن 18 جاستاعى قىز ۇستالدى. كٷدٸكتٸلەردەن جالپى سالماعى 3 كەلٸدەن اساتىن مەفەدرون تەركٸلەندٸ, دەپ حابارلايدى ult.kz.
جەدەل-ٸزدەستٸرۋ ٸس-شارالارى بارىسىندا پوليتسييا كٷدٸكتٸلەر وتىرعان KIA كٶلٸگٸن ەلورداعا كٸرەبەرٸستەگٸ بەكەتتەردٸڭ بٸرٸندە توقتاتقان. كٶلٸكتٸ تٸنتۋ كەزٸندە ەكٸ ۆاكۋۋمدالعان پاكەت سالىنعان قوراپ تابىلدى.
پاكەتتەردەن اق تٷستٸ ۇنتاق تەرٸزدٸ زات تەركٸلەنٸپ, ساراپتاما ونىڭ مەفەدرون ەكەنٸن راستادى. ەسٸرتكٸنٸڭ جالپى سالماعى 2 كەلٸ بولعان.
بۇدان بٶلەك, كٷدٸكتٸلەر تۇرعان پەتەرگە تٸنتۋ جٷرگٸزٸلٸپ, تاعى 1 كەلٸگە جۋىق وسىنداي زات تابىلدى. سونداي-اق ەسٸرتكٸنٸ ٶلشەپ, وراۋعا ارنالعان زاتتار تەركٸلەندٸ.
وسىلايشا, پوليتسييا جالپى سالماعى 3 كەلٸدەن اساتىن ەسٸرتكٸ زاتىن تەركٸلەدٸ. اتالعان فاكتٸ بويىنشا قىلمىستىق ٸس قوزعالىپ, ەكٸ كٷدٸكتٸ دە ۋاقىتشا ۇستاۋ يزولياتورىنا قامالدى.
قازٸرگٸ ۋاقىتتا پوليتسييا ەسٸرتكٸنٸ جەتكٸزۋ جەنە تاراتۋ ارنالارىنىڭ جولىن انىقتاپ, جولىن كەسۋ بويىنشا جۇمىستى جالعاستىرىپ جاتىر.
