Foto: kaztag.kz
Astanadaǵy turǵyndar «Transtelekom» usynatyn internet sapasyna narazylyq bildirýin jalǵastyrýda, dep habarlaidy KazTAG.
«Men Zauzar turǵyn úi kesheninde turamyn. Bizde internet eki kún qatarynan durys istemei tur, al ótken túni múlde joq boldy. Bul másele tek bizde emes, kórshilerimizde de bar. «Transtelekomnyń» bailanys ortalyǵyna habarlasý múmkin emes – telefon tutqasynyń arǵy jaǵyndaǵy «robot» tek «barlyq operatorlar bos emes» degen syltaý aityp, kóp qońyraýdyń túsýine bailanysty bailanysty úze salady. Osyndai internetpen Qazaqstan biligi tsifrlandyrý men jasandy intellektti damytpaq pa? Sodan keiin bizge beti búlk etpei, internetimiz Tokiodan da jaqsy dep ótirik aitady. Al mundai problemalar bizde únemi bolyp turady», – dep bólisti senbi kúni KazTAG redaktsiiasyna astanalyq oqyrman.
KazTAG redaktsiiasy turǵynnyń sóziniń shynaiylyǵyna kóz jetkizdi – material daiyndalyp jatqan sátte, iaǵni 10:10 shamasynda, atalǵan turǵyn úi kesheninde «Transtelekomnyń» interneti shynymen bolmaǵan.
Eske sala keteiik, 2023 jylǵy 31 mamyrda Májilis depýtaty Ermýrat Bapi Nursultan Nazarbaevtyń qyzy Dariǵa Nazarbaeva men onyń jubaiy Qairat Sháripbaevtyń balalaryna qatysty pikir bildirip, kleptokrattar elden 150 mlrd dollar shyǵarǵanyn aitqan bolatyn.
Sonymen qatar ol Dariǵa Nazarbaevanyń uly Nurali Álievke qatysty da suraq qoiǵan edi.
«Strategiialyq mańyzy bar «Transtelekom» ulttyq kompaniiasy «Qazaqstan temir jolynyń» quramynan is júzinde tegin Nurali Álievke, iaǵni eks-prezident Nazarbaevtyń nemeresine berilgenin qalai baǵalaisyzdar? Quny 210 mlrd teńge turatyn, jyldyq tabysy 80–90 mlrd teńgeni quraityn ulttyq múlik bar bolǵany 18,45 mlrd teńgege satyldy. Endi meniń suraǵym mynadai: «Transtelekom» 2015 jyly Nurali Álievke 587 mln teńge, 2016 jyly – 940 mln teńge, 2017 jyly – 500 mln teńge dividend tólegen. 2022 jyly tólengen dividend kólemi 2,4 mlrd teńgege jetti. Osynshama zańsyz tólengen aqshany qalai qaitarýǵa bolady?» – degen edi ol sol kezde.
2023 jylǵy 5 shildede Básekelestikti qorǵaý jáne damytý agenttigi sol kezde Nurali Álievtiń baqylaýynda bolǵan «Transtelekomnyń» básekelestermen jasalǵan kelisimsharttardy buzýǵa shaqyrǵanyn, bul zań buzýshylyq ekenin habarlaǵan.
Jýrnalist Áset Mataev ol kezde «eski Qazaqstannyń» yqpalynyń kúsheiýin memlekettik júiege tóngen qater dep baǵalaǵan bolatyn.
2025 jylǵy 12 aqpanda KazTAG Nurali Áliev «Transtelekom» AQ-daǵy basshylyq ókilettigin kompaniianyń satylýyna bailanysty tapsyrǵanyn habarlady.
