Foto: Depositphotos
Jantúrshigerlik oqiǵa týraly kýágerler áleýmettik jelide jazdy, dep habarlaidy Ult.kz Qaz365.kz aqparat portalyna silteme jasap.
«Jumadan senbige qaraǵan túni elordalyq oiyn-saýyq oryndarynyń birinde Semei qalasynyń 18 jastaǵy turǵyny pyshaq jaraqatynan kóz jumdy. Klýb mańynda politsiia kóptep jinalyp, kelýshiler evakýatsiialandy», – dep jazdy kýágerler.
Jeli qoldanýshylary 2Gis-te túngi klýbtyń jabylýyn talap etip jatyr.
Astana qalasynyń politsiia departamenti adam ólimin rastady. Qazir tergý jumystary júrip jatyr.
«Adam ólimine ákep soqqan qasaqana aýyr dene jaraqatyn keltirý faktisi boiynsha sotqa deiingi tergeý bastaldy. Politsiia qyzmetkerleri eki kúdiktini ustap, ýaqytsha ustaý izoliatoryna qamady. Anyqtalǵandai, túngi oiyn-saýyq oryndarynyń biriniń mańynda jastar daýlasyp qalǵan. Janjaldyń arty tóbeleske ulasqan. Saldarynan 18 jastaǵy azamat alǵan jaraqattarynan kóz jumdy. Qazir tergeý amaldary júrgizilip, oqiǵanyń barlyq mán-jaiy anyqtalyp jatyr»,- dep málimdedi politsiia.
