Sot sheshimimen "7 kontinent" biznes ortalyǵyndaǵy kommertsiialyq bólmelerinen aiyrylyp qalǵan elordalyq kásipkerler Astana aýdandarynyń birinde beibit mitingke shyqty, dep habarlaidy "Ult aqparat" Sputniknews.kz saityna silteme jasap.
Astanadaǵy Pýshkin jáne Qudaiberdiuly kósheleriniń qiylysyndaǵy saiabaqta ruqsat etilgen miting ótti. Qatysýshylar miting barysynda kásipkerlerge tóngen problemalarǵa qoǵam men memlekettik organdardyń nazaryn aýdarýǵa tyrysqan. Budan biraz ýaqyt buryn "7 kontinent" biznes ortalyǵyndaǵy ofis ieleri óz máselelerimen "Atameken" UKP júginip, onyń zańgerleri kásipkerlerdi adal satyp alýshy dep tanyǵan edi.
"Biz "7 kontinent" BO "D" blogy biznes ortalyǵynyń jeke kásipkerleri, kún saiyn memlekettik qazynaǵa ondaǵan million teńge kiris túsiremiz. Shaǵyn jáne orta biznesti nesielendirýge tiis banktiń ózi ozbyrly túrde zańdy múlkimizdi tartyp alýǵa tyrysyp jatqanda, qalaisha ekonomikanyń draiverleri bolmaqpyz?! Bankirler prezidentimizdiń sózin elmeitin bolyp turǵany ǵoi sonda?!", — dep ashýlandy shaǵymdanýshylardyń biri Muqtar Tulaqpaev.
Keńse ieleriniń biri, týristik firma direktory, kásipker Áigerim Bijigitovanyń aitýynsha, olar jaqynda qala ákimdigi, joǵarǵy sot, bas prokýratýraǵa júgingen, biraq odan túk shyqpaǵan. "Máselen, bizdiń aramyzda páterin jalǵa berip, sol aqshaǵa kúneltetin Dina apai bar. Múgedektigine qaramai fitnes ortalyǵyn ashqan kisi bar. Men ózim osy biznes ortalyqta týristik firma ashtym. Jalǵyz basty anamyn. Ary qarai ne bolatynyn elestetýge de qorqamyn. Birneshe jyl boiy mańdai terimmen jinap-tapqan qarajatymnan aiyryldym. Endi men ne isterimdi de bilmeimin. Men siiaqtylar munda kóp. Bizdiń surap otyrǵanymyz jalǵyz nárse — ózimizge tiesili múlikti qaldyrý", — degen Bijigitova, endigi jalǵyz úmit – el prezidentinde ekenin qosa ketti.
Miting kezinde qoǵam qairatkeri, Qazaqstan blogerleri aliansynyń prezidenti Ǵalym Baitýk sóz sóiledi.
"Bireýdiń ómirin buzatyn, máselen, kásipkerlerdiń qinalyp, azap shegip jatqanyna qarap otyraǵannan lázzat alatyn adamdar bar. Jumysy júrip turǵan biznesti joiyp, Qazaqstandaǵy iskerlik jaǵdaidyń ilgerileýine kedergi keltiretin bankter de joq emes. Sizder - jeke jáne zańǵa baǵynatyn kásipkerler, "Nurbanktiń" qyspaǵynda qaldyńyzdar. Bul jaǵdai shetel investorlaryn Qazaqstanda biznes júrgizýine keri yqpalyn tigizýi múmkin. Eger sheteldik investor kelip biznes ashyp, ony erteń "Nurbank" kelip ony tartyp aldy delik. Sonda qalai? Bul - árine, nonsens! Biz ádildik úshin kúresemiz", — dep málim etti Baitýk.
Kásipkerlerdiń aitýynsha, miting Astanada shaǵyn jáne orta bizneske tóngen problemalarǵa qoǵamnyń nazaryn aýdarý úshin uiymdastyrylyp otyr. Shara kezinde kásipkerler Elbasy Nursultan Nazarbaevqa janaiqaiyn jetkizgisi keldi. Prezidentten iske aralasyp, ádildik ornatýdy suraidy. Sondai-aq olar QR bas prokýrory Jaqyp Asanovqa júginip, sot sheshimine shaǵym túsirýdi surady.
"7 kontinent" BO keńse ieleri tobynyń ókili Marat Bisharovtyń sózine qaraǵanda, turǵyndardyń narazylyq sharasyna shyǵýdan basqa amaly qalmaǵan, óitkeni shyǵarylǵan sheshimderge kóńili tolmaitynyn aitady.
"Sottyń "Nurbanktiń" paidasyna sheshim shyǵarýyna kelispeýden narazylyq týyndap otyr. Qurmetti Jaqyp Asanov, sizden azamattardyń zańdy múddesin qorǵaýyńyzdy suraimyz. QR Konstitýtsiiasynyń 40-babyna sáikes, Prezident – Qazaqstan azamattarynyń quqyqtary men bostandyqtary saqtalatyn halyq birliginiń simvoly men kepildigi. Bul jaǵdaida bizge Elbasymyz kómektesedi degen jalǵyz úmit bar", — dep atap ótti ózge zańger Janarbek Bektemirov.
