سوت شەشٸمٸمەن "7 كونتينەنت" بيزنەس ورتالىعىنداعى كوممەرتسييالىق بٶلمەلەرٸنەن ايىرىلىپ قالعان ەلوردالىق كەسٸپكەرلەر استانا اۋداندارىنىڭ بٸرٸندە بەيبٸت ميتينگكە شىقتى, دەپ حابارلايدى "ۇلت اقپارات" Sputniknews.kz سايتىنا سٸلتەمە جاساپ.
استاناداعى پۋشكين جەنە قۇدايبەردٸۇلى كٶشەلەرٸنٸڭ قيىلىسىنداعى ساياباقتا رۇقسات ەتٸلگەن ميتينگ ٶتتٸ. قاتىسۋشىلار ميتينگ بارىسىندا كەسٸپكەرلەرگە تٶنگەن پروبلەمالارعا قوعام مەن مەملەكەتتٸك ورگانداردىڭ نازارىن اۋدارۋعا تىرىسقان. بۇدان بٸراز ۋاقىت بۇرىن "7 كونتينەنت" بيزنەس ورتالىعىنداعى وفيس يەلەرٸ ٶز مەسەلەلەرٸمەن "اتامەكەن" ۇكپ جٷگٸنٸپ, ونىڭ زاڭگەرلەرٸ كەسٸپكەرلەردٸ ادال ساتىپ الۋشى دەپ تانىعان ەدٸ.
"بٸز "7 كونتينەنت" بو "د" بلوگى بيزنەس ورتالىعىنىڭ جەكە كەسٸپكەرلەرٸ, كٷن سايىن مەملەكەتتٸك قازىناعا ونداعان ميلليون تەڭگە كٸرٸس تٷسٸرەمٸز. شاعىن جەنە ورتا بيزنەستٸ نەسيەلەندٸرۋگە تيٸس بانكتٸڭ ٶزٸ وزبىرلى تٷردە زاڭدى مٷلكٸمٸزدٸ تارتىپ الۋعا تىرىسىپ جاتقاندا, قالايشا ەكونوميكانىڭ درايۆەرلەرٸ بولماقپىز?! بانكيرلەر پرەزيدەنتٸمٸزدٸڭ سٶزٸن ەلمەيتٸن بولىپ تۇرعانى عوي سوندا?!", — دەپ اشۋلاندى شاعىمدانۋشىلاردىڭ بٸرٸ مۇقتار تۇلاقپاەۆ.
كەڭسە يەلەرٸنٸڭ بٸرٸ, تۋريستٸك فيرما ديرەكتورى, كەسٸپكەر ەيگەرٸم بيجٸگٸتوۆانىڭ ايتۋىنشا, ولار جاقىندا قالا ەكٸمدٸگٸ, جوعارعى سوت, باس پروكۋراتۋراعا جٷگٸنگەن, بٸراق ودان تٷك شىقپاعان. "مەسەلەن, بٸزدٸڭ ارامىزدا پەتەرٸن جالعا بەرٸپ, سول اقشاعا كٷنەلتەتٸن دينا اپاي بار. مٷگەدەكتٸگٸنە قاراماي فيتنەس ورتالىعىن اشقان كٸسٸ بار. مەن ٶزٸم وسى بيزنەس ورتالىقتا تۋريستٸك فيرما اشتىم. جالعىز باستى انامىن. ارى قاراي نە بولاتىنىن ەلەستەتۋگە دە قورقامىن. بٸرنەشە جىل بويى ماڭداي تەرٸممەن جيناپ-تاپقان قاراجاتىمنان ايىرىلدىم. ەندٸ مەن نە ٸستەرٸمدٸ دە بٸلمەيمٸن. مەن سيياقتىلار مۇندا كٶپ. بٸزدٸڭ سۇراپ وتىرعانىمىز جالعىز نەرسە — ٶزٸمٸزگە تيەسٸلٸ مٷلٸكتٸ قالدىرۋ", — دەگەن بيجٸگٸتوۆا, ەندٸگٸ جالعىز ٷمٸت – ەل پرەزيدەنتٸندە ەكەنٸن قوسا كەتتٸ.
ميتينگ كەزٸندە قوعام قايراتكەرٸ, قازاقستان بلوگەرلەرٸ اليانسىنىڭ پرەزيدەنتٸ عالىم بايتۋك سٶز سٶيلەدٸ.
"بٸرەۋدٸڭ ٶمٸرٸن بۇزاتىن, مەسەلەن, كەسٸپكەرلەردٸڭ قينالىپ, ازاپ شەگٸپ جاتقانىنا قاراپ وتىراعاننان لەززات الاتىن ادامدار بار. جۇمىسى جٷرٸپ تۇرعان بيزنەستٸ جويىپ, قازاقستانداعى ٸسكەرلٸك جاعدايدىڭ ٸلگەرٸلەۋٸنە كەدەرگٸ كەلتٸرەتٸن بانكتەر دە جوق ەمەس. سٸزدەر - جەكە جەنە زاڭعا باعىناتىن كەسٸپكەرلەر, "نۇربانكتٸڭ" قىسپاعىندا قالدىڭىزدار. بۇل جاعداي شەتەل ينۆەستورلارىن قازاقستاندا بيزنەس جٷرگٸزۋٸنە كەرٸ ىقپالىن تيگٸزۋٸ مٷمكٸن. ەگەر شەتەلدٸك ينۆەستور كەلٸپ بيزنەس اشىپ, ونى ەرتەڭ "نۇربانك" كەلٸپ ونى تارتىپ الدى دەلٸك. سوندا قالاي? بۇل - ەرينە, نونسەنس! بٸز ەدٸلدٸك ٷشٸن كٷرەسەمٸز", — دەپ مەلٸم ەتتٸ بايتۋك.
كەسٸپكەرلەردٸڭ ايتۋىنشا, ميتينگ استانادا شاعىن جەنە ورتا بيزنەسكە تٶنگەن پروبلەمالارعا قوعامنىڭ نازارىن اۋدارۋ ٷشٸن ۇيىمداستىرىلىپ وتىر. شارا كەزٸندە كەسٸپكەرلەر ەلباسى نۇرسۇلتان نازارباەۆقا جانايقايىن جەتكٸزگٸسٸ كەلدٸ. پرەزيدەنتتەن ٸسكە ارالاسىپ, ەدٸلدٸك ورناتۋدى سۇرايدى. سونداي-اق ولار قر باس پروكۋرورى جاقىپ اسانوۆقا جٷگٸنٸپ, سوت شەشٸمٸنە شاعىم تٷسٸرۋدٸ سۇرادى.
"7 كونتينەنت" بو كەڭسە يەلەرٸ توبىنىڭ ٶكٸلٸ مارات بيشاروۆتىڭ سٶزٸنە قاراعاندا, تۇرعىنداردىڭ نارازىلىق شاراسىنا شىعۋدان باسقا امالى قالماعان, ٶيتكەنٸ شىعارىلعان شەشٸمدەرگە كٶڭٸلٸ تولمايتىنىن ايتادى.
"سوتتىڭ "نۇربانكتٸڭ" پايداسىنا شەشٸم شىعارۋىنا كەلٸسپەۋدەن نارازىلىق تۋىنداپ وتىر. قۇرمەتتٸ جاقىپ اسانوۆ, سٸزدەن ازاماتتاردىڭ زاڭدى مٷددەسٸن قورعاۋىڭىزدى سۇرايمىز. قر كونستيتۋتسيياسىنىڭ 40-بابىنا سەيكەس, پرەزيدەنت – قازاقستان ازاماتتارىنىڭ قۇقىقتارى مەن بوستاندىقتارى ساقتالاتىن حالىق بٸرلٸگٸنٸڭ سيمۆولى مەن كەپٸلدٸگٸ. بۇل جاعدايدا بٸزگە ەلباسىمىز كٶمەكتەسەدٸ دەگەن جالعىز ٷمٸت بار", — دەپ اتاپ ٶتتٸ ٶزگە زاڭگەر جاناربەك بەكتەمٸروۆ.
