Foto: Hyunjung Kim/BBC News
Qoǵam belsendileri Sergei Snegirev pen Temirlan Tospaev buralqy itterdi aýlaý júiesi men it etiniń kóleńkeli ainalymyna qatysty daýly málimdeme jasady, dep habarlaidy Ult.kz.
Olardyń aitýynsha, keibir aimaqtarda janýarlardy aýlaý boiynsha tenderler et óńdeý salasymen bailanysy bar kompaniialardyń qolyna ótken.
Belsendiler Astanada júrgizilgen tintý kezinde 750 kelige jýyq it eti tabylǵanyn jáne onyń bir bóligi qoǵamdyq tamaqtaný oryndaryna jetkizilýi múmkin ekenin alǵa tartady. Sonymen qatar aralas farsh ónimderiniń dámhanalar men meiramhanalarǵa túskeni týraly da aitylady.
Sergei Snegirevtiń sózinshe, bul derekter sot materialdary men tergeý áreketteri barysynda qaralǵan qujattar men aýdiojazbalarǵa súienedi. Onyń aitýynsha, baqylaý-satyp alý kezinde alynǵan ónimder men keiingi tintý nátijeleri kúmándi jetkizý tizbegin kórsetken.
Belsendilerdiń pikirinshe, buralqy janýarlardy aýlaý júiesinde biýdjet qarjysy men merdigerlerdiń áreketteri tolyq ashyq emes, al keibir jaǵdailar kóleńkeli shemalarǵa uqsaidy.
Alaida aitylǵan málimdemelerdiń bir bóligi tolyq dáleldengen quqyqtyq qorytyndy retinde emes, qoǵam belsendileriniń ustanymy retinde usynylyp otyr.
Másele boiynsha resmi organdar tarapynan naqty, tolyq rastalǵan qorytyndy jariialanǵan joq.
