Foto: IIM
Astana mańyndaǵy Jibek joly aýylynda bolǵan bir otbasynyń qazasyna qatysty qylmystyq istiń tergeýi aiaqtalýǵa jaqyn. Bul týraly Ishki ister ministriniń orynbasary Sanjar Ádilov Senat kýlýarynda jýrnalisterge málimdedi, dep habarlaidy Ult.kz.
Onyń aitýynsha, is Qylmystyq kodekstiń 99-baby, 3-bóligi («Adam óltirý») boiynsha qaralyp jatyr jáne tergeýdiń sońǵy kezeńine jetken.
Qazirgi tańda kúdikti statsionarlyq sot-psihiatriialyq saraptamadan ótýde. Resmi málimetke sáikes, ol qylmys jasaǵan sátte reaktivti psihoz jaǵdaiynda bolǵan.
Eske salaiyq, naýryz aiynyń basynda messendjerlerde Astana irgesindegi Jibek joly aýylynda bir otbasynyń aiaýsyz óltirilgeni týraly aqparat taraǵan edi. Quqyq qorǵaý organdary kúdiktini jedel túrde ustap, ýaqytsha ustaý izoliatoryna qamaǵan.
Buǵan deiin Sanjar Ádilov kúdiktiniń ózge is boiynsha da esi durys emes dep tanylǵanyn málimdegen bolatyn.
