Nur-Sultan qalalyq máslihaty shahar aýmaǵyndaǵy 20 jaǵajaidy shomylýǵa tyiym salynyn nysan retinde tirkeý týraly máseleni qarastyryp jatyr, dep habarlaidy QazAqparat.
Nur-Sultan qalasy Tótenshe jaǵdailar departamenti Azamattyq qorǵaý basqarma bastyǵy Rátbek Demeýbergenniń aitýynsha, bul shekteý sharasy bas sanitar dárigerdiń qaýlysy talabynan týyndap otyr.
«Aita ketý kerek, búgingi tańda Nur-Sultan qalasynyń bas memlekettik sanitar dárigeriniń 30 shildedegi qaýlysy boiynsha qalalyq jaǵajailardyń, onyń ishinde sanktsiialanbaǵan jaǵajailardyń jumysyna tyiym salynǵan. Sonymen qatar, qazirgi ýaqytta jalpy sany 20 akvatoriiada shomylýǵa tyiym salynǵan oryndardy belgileý týraly máslihattyń jobasy qaralýda», - deidi departament ókili.
Atalǵan 20 nysannyń jeteýi – Almaty aýdanynda, tórteýi – Baiqońyr aýdanynda, altaýy – Esil aýdanynda, úsheýi –Saryarqa ornalasqan.
«Stihiialy jaǵajailarda kún saiyn halyqtyń qaýipsizdigin baqylaityn jedel qutqarý bólimderi jumys isteidi. Aqbulaq, Triatlon, Shubar, Gazmashapparatýra, Qarasý, Nura-Esil arnalarynda) júzbe beketter qoiyldy. Azamattardyń sý aidyndaryndaǵy qaýipsizdigin qamtamasyz etý úshin departament qyzmetkerleri kún saiyn akvatoriianyń asa qaýipti ýchaskelerinde patrýldeý júrgizilip, sýdaǵy qaýipsizdik qaǵidalaryn saqtaý boiynsha úgit ónimderi taratylady», - dedi Azamattyq qorǵaý basqarmasynyń bastyǵy.
