نۇر-سۇلتان قالالىق مەسليحاتى شاھار اۋماعىنداعى 20 جاعاجايدى شومىلۋعا تىيىم سالىنىن نىسان رەتٸندە تٸركەۋ تۋرالى مەسەلەنٸ قاراستىرىپ جاتىر, دەپ حابارلايدى قازاقپارات.
نۇر-سۇلتان قالاسى تٶتەنشە جاعدايلار دەپارتامەنتٸ ازاماتتىق قورعاۋ باسقارما باستىعى رەتبەك دەمەۋبەرگەننٸڭ ايتۋىنشا, بۇل شەكتەۋ شاراسى باس سانيتار دەرٸگەردٸڭ قاۋلىسى تالابىنان تۋىنداپ وتىر.
«ايتا كەتۋ كەرەك, بٷگٸنگٸ تاڭدا نۇر-سۇلتان قالاسىنىڭ باس مەملەكەتتٸك سانيتار دەرٸگەرٸنٸڭ 30 شٸلدەدەگٸ قاۋلىسى بويىنشا قالالىق جاعاجايلاردىڭ, ونىڭ ٸشٸندە سانكتسييالانباعان جاعاجايلاردىڭ جۇمىسىنا تىيىم سالىنعان. سونىمەن قاتار, قازٸرگٸ ۋاقىتتا جالپى سانى 20 اكۆاتورييادا شومىلۋعا تىيىم سالىنعان ورىنداردى بەلگٸلەۋ تۋرالى مەسليحاتتىڭ جوباسى قارالۋدا», - دەيدٸ دەپارتامەنت ٶكٸلٸ.
اتالعان 20 نىساننىڭ جەتەۋٸ – الماتى اۋدانىندا, تٶرتەۋٸ – بايقوڭىر اۋدانىندا, التاۋى – ەسٸل اۋدانىندا, ٷشەۋٸ –سارىارقا ورنالاسقان.
«ستيحييالى جاعاجايلاردا كٷن سايىن حالىقتىڭ قاۋٸپسٸزدٸگٸن باقىلايتىن جەدەل قۇتقارۋ بٶلٸمدەرٸ جۇمىس ٸستەيدٸ. اقبۇلاق, ترياتلون, شۇبار, گازماشاپپاراتۋرا, قاراسۋ, نۇرا-ەسٸل ارنالارىندا) جٷزبە بەكەتتەر قويىلدى. ازاماتتاردىڭ سۋ ايدىندارىنداعى قاۋٸپسٸزدٸگٸن قامتاماسىز ەتۋ ٷشٸن دەپارتامەنت قىزمەتكەرلەرٸ كٷن سايىن اكۆاتورييانىڭ اسا قاۋٸپتٸ ۋچاسكەلەرٸندە پاترۋلدەۋ جٷرگٸزٸلٸپ, سۋداعى قاۋٸپسٸزدٸك قاعيدالارىن ساقتاۋ بويىنشا ٷگٸت ٶنٸمدەرٸ تاراتىلادى», - دەدٸ ازاماتتىق قورعاۋ باسقارماسىنىڭ باستىعى.
