2021 jyldyń qańtar aiynyń basynan beri elordada koronavirýs infektsiiasynyń 3 763 jaǵdaiy tirkeldi. Bul týraly Nur-Sultan qalasynyń Bas memlekettik sanitarlyq dárigeri Sarhat Beisenova aitty, dep habarlaidy "Ult aqparat".
«Ýaqytyly qabyldanǵan shekteý jáne karantindik sharalardyń arqasynda 30 qańtardan bastap COVID-19 infektsiiasy boiynsha epidemiologiialyq ahýaldy baǵalaý matritsasyna sáikes qala sary aimaqqa kóshti. Alaida, qalada barlyq jastaǵy jáne kontengenttegi turǵyndar arasynda COVID-19 jaǵdailary tirkelýde. 2020 jyldyń jeltoqsanymen salystyrǵanda aýry 1,5 esege nemese 35 paiyzǵa ósýi baiqalady», - dedi ol Ortalyq kommýnikatsiialar qyzmetindegi baspasóz máslihatynda.
Bas memlekettik sanitarlyq dárigerdiń aitýynsha, 2021 jyldyń qańtar aiynyń basynan beri 3 763 jaǵdai tirkeldi. Bir táýlikte infektsiianyń 61 jaǵdaiy tirkelip otyr.
«Onyń ishinde simptommen - 44, simptomsyz - 17. 65 oshaq anyqtaldy, 49-y - úi, 16-sy - uiymdastyrylǵan. Astanalyqtar arasynda aýyrǵandardyń 24,5 paiyzyn 30-39 jastaǵy adamdar quraidy. 50 men odan joǵary jastaǵy adamdar – 22,7 paiyz, 18-19 jáne 40-49 jastaǵy toptar boiynsha - 16-y paiyzdan, balalar - 16,7 paiyz», - dedi Sarhat Beisenova.
