Foto: 24.kz
Qazaqstandaǵy Qytai týrizmi jylynyń resmi bastalýy retinde QR Ulttyq mýzeiinde «Jibek pen Jibek joly: Qytaidan Qazaqstanǵa» atty kórmeniń saltanatty ashylýy ótti, dep habarlaidy Ult.kz.
Ashylý rásimine QR Mádeniet jáne aqparat ministri Aida Balaeva, QR Týrizm jáne sport ministri Erbol Myrzabosynov, sondai-aq Qytai Halyq Respýblikasynyń Mádeniet jáne týrizm ministri Sýn Eli bastaǵan delegatsiia qatysty.
Kórmede Qytaidyń jibek óneriniń tarihy men damý kezeńderi kórsetilgen. Ekspozitsiia Uly Jibek joly arqyly Shyǵys pen Batys arasyndaǵy mádeni bailanystardy beinelei otyryp, jibek óneriniń bai murasyn zamanaýi kózqaraspen usynýǵa múmkindik beredi. Sharanyń negizgi maqsaty – Qazaqstan men Qytai arasyndaǵy mádeni jáne týristik yntymaqtastyqty nyǵaitý, Uly Jibek jolynyń tarihi murasyn nasihattaý jáne Qazaqstan aýmaǵyndaǵy jibek óneri men saýda bailanystary týraly keńinen aqparat berý.
Is-shara aiasynda Qazaqstan men Qytaidyń mádeniet ministrleriniń kezdesýi ótti. Kezdesý barysynda taraptar eki el arasyndaǵy mádeni bailanystardy damytý boiynsha birlesken jumys nátijelerin talqylap, bolashaqtaǵy yntymaqtastyqtyń negizgi baǵyttaryn aiqyndady.
Aida Balaeva joǵary deńgeidegi saiasi dialogtyń arqasynda Qazaqstan men Qytai arasyndaǵy áriptestiktiń jańa serpin alyp, bul salada mańyzdy jetistikterge jetýge jol ashqanyn atap ótti. Onyń aitýynsha, Astana men Beijiń qalalarynda mádeni ortalyqtardyń ashylýy, BAQ yntymaqtastyǵy forýmy, Si Tszinpin kitabynyń tusaýkeseri jáne Á. Qasteev atyndaǵy memlekettik óner mýzeiinde Qytai shedevrleriniń kórmesi syndy jobalar eki el arasyndaǵy mádeni bailanysty nyǵaitýdyń jarqyn mysaly bolyp tabylady.
Kezdesý sońynda Qazaqstan tarapynan birlesken kórmeler, gastrolder, teatrlyq jáne kontserttik is-sharalardy uiymdastyrý arqyly eki el arasyndaǵy dostyq pen yntymaqtastyqty odan ári tereńdetýge múddeli ekeni bildirildi.
