فوتو: 24.kz
قازاقستانداعى قىتاي تۋريزمٸ جىلىنىڭ رەسمي باستالۋى رەتٸندە قر ۇلتتىق مۋزەيٸندە «جٸبەك پەن جٸبەك جولى: قىتايدان قازاقستانعا» اتتى كٶرمەنٸڭ سالتاناتتى اشىلۋى ٶتتٸ, دەپ حابارلايدى Ult.kz.
اشىلۋ رەسٸمٸنە قر مەدەنيەت جەنە اقپارات مينيسترٸ ايدا بالاەۆا, قر تۋريزم جەنە سپورت مينيسترٸ ەربول مىرزابوسىنوۆ, سونداي-اق قىتاي حالىق رەسپۋبليكاسىنىڭ مەدەنيەت جەنە تۋريزم مينيسترٸ سۋن ەلي باستاعان دەلەگاتسييا قاتىستى.
كٶرمەدە قىتايدىڭ جٸبەك ٶنەرٸنٸڭ تاريحى مەن دامۋ كەزەڭدەرٸ كٶرسەتٸلگەن. ەكسپوزيتسييا ۇلى جٸبەك جولى ارقىلى شىعىس پەن باتىس اراسىنداعى مەدەني بايلانىستاردى بەينەلەي وتىرىپ, جٸبەك ٶنەرٸنٸڭ باي مۇراسىن زاماناۋي كٶزقاراسپەن ۇسىنۋعا مٷمكٸندٸك بەرەدٸ. شارانىڭ نەگٸزگٸ ماقساتى – قازاقستان مەن قىتاي اراسىنداعى مەدەني جەنە تۋريستٸك ىنتىماقتاستىقتى نىعايتۋ, ۇلى جٸبەك جولىنىڭ تاريحي مۇراسىن ناسيحاتتاۋ جەنە قازاقستان اۋماعىنداعى جٸبەك ٶنەرٸ مەن ساۋدا بايلانىستارى تۋرالى كەڭٸنەن اقپارات بەرۋ.
ٸس-شارا اياسىندا قازاقستان مەن قىتايدىڭ مەدەنيەت مينيسترلەرٸنٸڭ كەزدەسۋٸ ٶتتٸ. كەزدەسۋ بارىسىندا تاراپتار ەكٸ ەل اراسىنداعى مەدەني بايلانىستاردى دامىتۋ بويىنشا بٸرلەسكەن جۇمىس نەتيجەلەرٸن تالقىلاپ, بولاشاقتاعى ىنتىماقتاستىقتىڭ نەگٸزگٸ باعىتتارىن ايقىندادى.
ايدا بالاەۆا جوعارى دەڭگەيدەگٸ ساياسي ديالوگتىڭ ارقاسىندا قازاقستان مەن قىتاي اراسىنداعى ەرٸپتەستٸكتٸڭ جاڭا سەرپٸن الىپ, بۇل سالادا ماڭىزدى جەتٸستٸكتەرگە جەتۋگە جول اشقانىن اتاپ ٶتتٸ. ونىڭ ايتۋىنشا, استانا مەن بەيجٸڭ قالالارىندا مەدەني ورتالىقتاردىڭ اشىلۋى, باق ىنتىماقتاستىعى فورۋمى, سي تسزينپين كٸتابىنىڭ تۇساۋكەسەرٸ جەنە ە. قاستەەۆ اتىنداعى مەملەكەتتٸك ٶنەر مۋزەيٸندە قىتاي شەدەۆرلەرٸنٸڭ كٶرمەسٸ سىندى جوبالار ەكٸ ەل اراسىنداعى مەدەني بايلانىستى نىعايتۋدىڭ جارقىن مىسالى بولىپ تابىلادى.
كەزدەسۋ سوڭىندا قازاقستان تاراپىنان بٸرلەسكەن كٶرمەلەر, گاسترولدەر, تەاترلىق جەنە كونتسەرتتٸك ٸس-شارالاردى ۇيىمداستىرۋ ارقىلى ەكٸ ەل اراسىنداعى دوستىق پەن ىنتىماقتاستىقتى ودان ەرٸ تەرەڭدەتۋگە مٷددەلٸ ەكەنٸ بٸلدٸرٸلدٸ.
