Astanada «Jas óren» respýblikalyq baiqaýynyń jeńimpazdary marapattaldy

Táýelsizdik kúni qarsańynda elordada balalar áni men balalar poeziiasyna (ánder, poemalar, óleńder) arnalǵan kompozitorlar men aqyndar arasyndaǵy «Jas óren» respýblikalyq baiqaýynyń jeńimpazdary marapattaldy.

Baiqaý Qazaqstan Respýblikasy Prezidentiniń janyndaǵy Áielder isteri jáne otbasylyq-demografiialyq saiasat jónindegi ulttyq komissiianyń qoldaýymen 2022 jyldyń 15 shildesi men 15 qazany aralyǵynda ótkizildi.

Jobanyń negizgi maqsaty balalarǵa arnalǵan otandyq shyǵarmalardy dáripteý, balalar ánderi men óleńderiniń repertýaryn tolyqtyrý, sondai-aq Qazaqstannyń balalar kompozitorlary men aqyndarynyń shyǵarmalarynyń mektepke deiingi jáne mektep uiymdaryna, balalar mýzykalyq mekemelerine, sondai-aq shalǵaidaǵy aýyldyq kitaphanalarǵa qoljetimdiligin qamtamasyz etý arqyly rýhani-adamgershilik qundylyqtardy ilgeriletý bolyp tabylady.

Baiqaý jeńimpazdaryn quttyqtai otyryp, Qazaqstan Respýblikasy Prezidentiniń janyndaǵy Áielder isteri jáne otbasylyq-demografiialyq saiasat jónindegi ulttyq komissiia tóraǵasynyń orynbasary Saltanat Tursynbekova: «Bul konkýrsty Memleket basshysy jariialaǵan Balalar jylynda ótkizýdiń erekshe mańyzy bar. Otanǵa degen súiispenshilikke, joǵary patriottyq nietke oń kózqarasty qalyptastyratyn mádeni ónimderdi qurý óte mańyzdy. Bul iske óner týyndylary arqyly úles qosqysy keletin otandyq avtorlardy qoldaý da mańyzdy. Konkýrsqa 400-den astam ótinishtiń túsýi qoǵamda rýhani-adamgershilik jaǵynan ósýge jáne ózin-ózi júzege asyrýǵa suranystyń artyp kele jatqanyn kórsetedi. Bul iske óner týyndylary arqyly úles qosqysy keletin otandyq avtorlardy qoldaý da mańyzdy» - dep atap ótti.

Baiqaý qyzyqty boldy, óitkeni ol qatysýshylardy kásibi jáne jas erekshelikterine qarai shektemedi.  

«QAZAQSTAN» telearnasynda baiqaýdyń bastalǵany týraly habarlandyrý oqýshylardan bastap aǵa býyn ókilderine deiin halyqtyń barlyq jas sanattarynda qyzyǵýshylyq týdyrdy. Baiqaýǵa 405 ótinim kelip tústi, 204 shyǵarma qatysty, onyń 133-i poeziia, 71-i án usyndy.

Baiqaýdyń qazylar alqasynyń quramyna belgili eńbek sińirgen mádeniet jáne óner qairatkerleri, qoǵam qairatkerleri, memlekettik uiymdardyń ókilderi kirdi.

«Jas óren» respýblikalyq baiqaýynyń laýreattaryn marapattaý rásimi elimizdiń Táýelsizdik kúnine arnalǵan merekelik Gala-kontsertte ótti.