© Astana qalasy ákimdigi
Astanada qorytyndy aýyl sharýashylyǵy jármeńkesi ótti. Onda Aqmola oblysynyń agrarshylary óz ónimderin usyndy, dep habarlaidy elorda ákimdiginiń resmi saity.
Jármeńkege Aqmola oblysynyń 100-den astam taýar óndirýshileri men óńdeý kásiporyndary qatysty.
Sórelerde et jáne shujyq ónimderi, jańa pisken balyq, jumyrtqa, sút jáne sút ónimderi, un, kartop jáne kókónisterdi qosa alǵanda, jalpy kólemi 460 tonnadan astam 50-ge jýyq azyq-túlik túri usynyldy.
"Jármeńkede biz óz ónimderimizdi deldalsyz usynamyz, osylaisha elorda turǵyndary tiimdi baǵamen sapaly ónim ala alady. Bul astanalyqtar úshin de, bizdiń fermerler úshin de tiimdi. Barlyq ónim tez satylyp ketti, biz tórtinshi jyl taýarlarymyzdy ákelip jatyrmyz jáne jármeńke týraly aldyn ala eskertip qoiatyn turaqty klientterimiz bar, habarlandyrý osvlai aýyzsha taraidy. Olar óz tanystaryn da ertip keledi", - dedi sút ónimderin satýshylardyń biri.
Jármeńke óńirler men Astana arasyndaǵy saýda maýsymyn qorytyndylady.
