Astanada tanysyn 7 million teńgege aldap ketken zeinetker ustaldy, dep habarlaidy Sputnik Qazaqstan qalalyq politsiia departametine silteme jasap.
77 jastaǵy qala turǵyny kez kelgen memlekettik baǵdarlamamen úi alyp beremin dep, tanysyn aldaǵan. Jábirlenýshi oǵan senip qalǵan. Arzan baspana úshin 7 million 450 myń teńgesin berip qoiypty. Biraq zeinetker ártúrli syltaý aita bastaidy. Aqyry ýádesin oryndamai, habarsyz ketken. Sodan jábirlenýshi aldanyp qalǵanyn túsinip, politsiiaǵa aryz túsirdi.
Baiqońyr aýdandyq politsiia basqarmasynyń qyzmetkerleri jedel-izdestirý sharalary kezinde alaiaqtyq jolmen aqsha tapqan zeinetkerdi ustady. Ol óz kinásin moiyndady. Onyń elorda aýmaǵynda osyǵan uqsas basqa da qylmystarǵa qatysy bar-joǵy tekserilip jatyr.
Qazirgi kezde Qylmystyq kodekstiń 190-baby (Alaiaqtyq) boiynsha sotqa deiingi tergeý bastaldy. Bul qylmys úshin eki jylǵa deiin bas bostandyǵynan aiyrý jazasy qarastyrylǵan. Al iri kólemde jasalǵan alaiaqtyq úsh jyldan jeti jylǵa deiin merzimge bas bostandyǵyn shekteý ne sol merzimge bas bostandyǵynan aiyrý jazasyna kesiledi. Kináli adamnyń múlki tárkilenedi.
