استانادا تانىسىن 7 ميلليون تەڭگەگە الداپ كەتكەن زەينەتكەر ۇستالدى, دەپ حابارلايدى Sputnik قازاقستان قالالىق پوليتسييا دەپارتامەتٸنە سٸلتەمە جاساپ.
77 جاستاعى قالا تۇرعىنى كەز كەلگەن مەملەكەتتٸك باعدارلامامەن ٷي الىپ بەرەمٸن دەپ, تانىسىن الداعان. جەبٸرلەنۋشٸ وعان سەنٸپ قالعان. ارزان باسپانا ٷشٸن 7 ميلليون 450 مىڭ تەڭگەسٸن بەرٸپ قويىپتى. بٸراق زەينەتكەر ەرتٷرلٸ سىلتاۋ ايتا باستايدى. اقىرى ۋەدەسٸن ورىنداماي, حابارسىز كەتكەن. سودان جەبٸرلەنۋشٸ الدانىپ قالعانىن تٷسٸنٸپ, پوليتسيياعا ارىز تٷسٸردٸ.
بايقوڭىر اۋداندىق پوليتسييا باسقارماسىنىڭ قىزمەتكەرلەرٸ جەدەل-ٸزدەستٸرۋ شارالارى كەزٸندە الاياقتىق جولمەن اقشا تاپقان زەينەتكەردٸ ۇستادى. ول ٶز كٸنەسٸن مويىندادى. ونىڭ ەلوردا اۋماعىندا وسىعان ۇقساس باسقا دا قىلمىستارعا قاتىسى بار-جوعى تەكسەرٸلٸپ جاتىر.
قازٸرگٸ كەزدە قىلمىستىق كودەكستٸڭ 190-بابى (الاياقتىق) بويىنشا سوتقا دەيٸنگٸ تەرگەۋ باستالدى. بۇل قىلمىس ٷشٸن ەكٸ جىلعا دەيiن باس بوستاندىعىنان ايىرۋ جازاسى قاراستىرىلعان. ال ٸرٸ كٶلەمدە جاسالعان الاياقتىق ٷش جىلدان جەتٸ جىلعا دەيٸن مەرزiمگە باس بوستاندىعىن شەكتەۋ نە سول مەرزiمگە باس بوستاندىعىنان ايىرۋ جازاسىنا كەسٸلەدٸ. كٸنەلٸ ادامنىڭ مٷلكٸ تەركٸلەنەدٸ.
