Foto: Polisia.kz
Astanada zańsyz tasymaldanǵan gaz ballondary tárkilendi. Patrýldik politsiia kúdik týdyrǵan kólikti toqtatyp, tekserý kezinde qaýipti júk anyqtaǵan, dep habarlaidy Polisia.kz.
Oqiǵa keshki saǵat 20:20 shamasynda Abai kóshesinde tirkelgen. Quqyq qorǵaý organdary Hyundai Palisade avtokóligin toqtatyp, tekserý júrgizgen. Rólde 34 jastaǵy er adam bolǵan.
Tintý barysynda kóliktiń júksalǵyshynan qara paketke salynǵan gaz ballony, sondai-aq júrgizýshi oryndyǵynyń mańynan taǵy bir ballon men gel sharlary tabylǵan. Barlyq zattai dáleldemeler tárkilenip, oqiǵa ornyna jedel-tergeý toby shaqyryldy.
Aldyn ala málimet boiynsha, er adam ballondardy sol kúni satyp alyp, kóshede sharlardy gelmen toltyrmaq bolǵan.
Atalǵan fakti boiynsha Qylmystyq kodekstiń 301-baby 1-bóligimen sotqa deiingi tergep-tekserý bastaldy.
Politsiia qysymdaǵy gaz ballondaryn zańsyz saqtaý men tasymaldaý adam ómirine tikelei qaýip tóndiretinin eskertti. Mamandar mundai zattardy tek arnaiy ruqsatpen jáne qaýipsizdik talaptaryn saqtai otyryp paidalanýǵa bolatynyn atap ótti.
