Uiymdasqan qylmysqa qarsy kúres bólimsheleri arnaiy jedel-izdestirý is-sharalarynyń nátijesinde uiymdasqan qylmystyq toptyń jetekshisin, toptyń belsendi qatysýshysyn, sondai-aq kriminaldyq "bedeldini" ustady, - dep habarlaidy "Ult aqparat" Polisia.kz-ke silteme jasap.
Portal málimetinshe, olar biyl sáýirde elordadaǵy túngi klýbtardyń kúzet qyzmetine yqpal etý salalaryn bólisý úshin kriminaldyq janjal boiynsha kúdikti bolyp otyr, sonyń saldarynan eki adam atys qarýynan jaraqat alǵan bolatyn.
"Sonymen qatar, ustalǵandar asa iri mólsherde alaiaqtyq jasady degen kúdikke de ilindi.
Olar Aqmola oblysy kásipkerleriniń arasyndaǵy múliktik daýdy sheshýge ýáde berip, tólem retinde 150 million teńge, eki úi men eki kottedjdi óz týysqandarynyń atyna resimdegen", - delingen habarlamada.
Ustalǵandar ýaqytsha ustaý izoliatoryna qamaldy. Sotaldy tergeý júrgizilip jatyr.
