ۇيىمداسقان قىلمىسقا قارسى كٷرەس بٶلٸمشەلەرٸ ارنايى جەدەل-ٸزدەستٸرۋ ٸس-شارالارىنىڭ نەتيجەسٸندە ۇيىمداسقان قىلمىستىق توپتىڭ جەتەكشٸسٸن, توپتىڭ بەلسەندٸ قاتىسۋشىسىن, سونداي-اق كريمينالدىق "بەدەلدٸنٸ" ۇستادى, - دەپ حابارلايدى "ۇلت اقپارات" Polisia.kz-كە سٸلتەمە جاساپ.
پورتال مەلٸمەتٸنشە, ولار بيىل سەۋٸردە ەلورداداعى تٷنگٸ كلۋبتاردىڭ كٷزەت قىزمەتٸنە ىقپال ەتۋ سالالارىن بٶلٸسۋ ٷشٸن كريمينالدىق جانجال بويىنشا كٷدٸكتٸ بولىپ وتىر, سونىڭ سالدارىنان ەكٸ ادام اتىس قارۋىنان جاراقات العان بولاتىن.
"سونىمەن قاتار, ۇستالعاندار اسا ٸرٸ مٶلشەردە الاياقتىق جاسادى دەگەن كٷدٸككە دە ٸلٸندٸ.
ولار اقمولا وبلىسى كەسٸپكەرلەرٸنٸڭ اراسىنداعى مٷلٸكتٸك داۋدى شەشۋگە ۋەدە بەرٸپ, تٶلەم رەتٸندە 150 ميلليون تەڭگە, ەكٸ ٷي مەن ەكٸ كوتتەدجدٸ ٶز تۋىسقاندارىنىڭ اتىنا رەسٸمدەگەن", - دەلٸنگەن حابارلامادا.
ۇستالعاندار ۋاقىتشا ۇستاۋ يزولياتورىنا قامالدى. سوتالدى تەرگەۋ جٷرگٸزٸلٸپ جاتىر.
