Elordada jumys berýshiniń úiinen gaýhar tastardy urlaǵan úi qyzmetkeri ustaldy, - dep habarlaidy Polisia.kz.
Politsiiaǵa qala turǵyny habarlasyp, páterinen gaýhar tastary bar altyn syrǵalary urlanǵanyn aityp aryzdanǵan.
Aryzdanýshy úi qyzmetkerinen kúdiktenetinin jetkizgen. Ol habarlandyrý saity arqyly tapqan 43 jastaǵy áieldiń úide bir ai jumys istegenin aitty. Kelip júrgen ýaqyttarynyń birinde jumysshy jatyn bólmeni jinap júrip, shkaftan kiim-keshek pen syrǵalardy urlap ketken.
Jedel izdestirý is-sharalary barysynda urlyq jasaǵan kúdikti ustaldy. Onyń lombardqa tapsyrǵan urlanǵan zergerlik buiymdary tárkilenip, iesine qaitaryldy.
Bul derek boiynsha sotqa deiingi tergeý amaldary júrgizilip jatyr. Kúdikti kinásin moiyndady, onyń elorda aýmaǵynda buryn jasalǵan osyǵan uqsas qylmystarǵa qatystylyǵyna tekseriledi.
