ەلوردادا جۇمىس بەرۋشٸنٸڭ ٷيٸنەن گاۋھار تاستاردى ۇرلاعان ٷي قىزمەتكەرٸ ۇستالدى, - دەپ حابارلايدى Polisia.kz.
پوليتسيياعا قالا تۇرعىنى حابارلاسىپ, پەتەرٸنەن گاۋھار تاستارى بار التىن سىرعالارى ۇرلانعانىن ايتىپ ارىزدانعان.
ارىزدانۋشى ٷي قىزمەتكەرٸنەن كٷدٸكتەنەتٸنٸن جەتكٸزگەن. ول حابارلاندىرۋ سايتى ارقىلى تاپقان 43 جاستاعى ەيەلدٸڭ ٷيدە بٸر اي جۇمىس ٸستەگەنٸن ايتتى. كەلٸپ جٷرگەن ۋاقىتتارىنىڭ بٸرٸندە جۇمىسشى جاتىن بٶلمەنٸ جيناپ جٷرٸپ, شكافتان كيٸم-كەشەك پەن سىرعالاردى ۇرلاپ كەتكەن.
جەدەل ٸزدەستٸرۋ ٸس-شارالارى بارىسىندا ۇرلىق جاساعان كٷدٸكتٸ ۇستالدى. ونىڭ لومباردقا تاپسىرعان ۇرلانعان زەرگەرلٸك بۇيىمدارى تەركٸلەنٸپ, يەسٸنە قايتارىلدى.
بۇل دەرەك بويىنشا سوتقا دەيٸنگٸ تەرگەۋ امالدارى جٷرگٸزٸلٸپ جاتىر. كٷدٸكتٸ كٸنەسٸن مويىندادى, ونىڭ ەلوردا اۋماعىندا بۇرىن جاسالعان وسىعان ۇقساس قىلمىستارعا قاتىستىلىعىنا تەكسەرٸلەدٸ.
