Astanada aiazǵa bailanysty tústen keiin mektep oqýshylary men kolledjderdiń 1,2 kýrs stýdentteri oqymaidy, dep habarlaidy Ult.kz tilshisi QazAqparat agenttigine silteme jasap.
«22 qańtarda aýa raiynyń qolaisyzdyǵyna bailanysty qala mektepteriniń ekinshi aýysymyndaǵy 0-11 (12) synyp oqýshylaryna jáne kolledjderdiń 1-2 kýrs stýdentteri úshin sabaq bolmaidy», delingen Bilim basqarmasynyń saitynda.
Aita keteiik, dúisenbi kúni sondai-aq saryshunaq aiazdarǵa bailanysty Aqmola, Qaraǵandy, Shyǵys Qazaqstan, Pavlodar, Qostanai jáne Soltústik Qazaqstan oblystarynda birinshi aýysymdaǵy 1-11 synyp oqýshylaryna sabaqtar toqtatyldy.
Eske sala ketsek, Qazaqstan aýmaǵynda aýa raiynyń kúrt sýytynýyna bailanysty eskertý jariialandy. Qazgidromettiń boljaýynsha, Aktikalyq antitsiklondardyń ótýine bailanysty 22-26 qańtar aralyǵynda Aqmola, Qostanai, Soltústik Qazaqstan, Pavlodar, Qaraǵandy, Shyǵys Qazaqstan oblystarynda temperatýra -30 gradýstan tómendeidi.
