Foto: Freepik.com
Astana qalasynyń turǵyny «TikTok» áleýmettik jelisinde ózin «emshi» ári ekstrasens retinde tanystyryp, azamattardy aldap soqqany úshin sottaldy, dep habarlaidy Ult.kz.
Ol áleýmettik jeli arqyly jábirlenýshilerdiń densaýlyǵyna qatysty máseleleri bar ekenin bilip, ózin erekshe qabiletke ie tulǵa retinde kórsetip, aqyly «emdeý» qyzmetin usynǵan.
Tergeý barysynda anyqtalǵandai, kúdikti úsh jábirlenýshini sendirip, jalpy somasy 5,5 million teńgeden asatyn aqshalai qarajatty alaiaqtyq jolmen iemdengen. Alynǵan qarajatty ol býkmekerlik keńselerde stavka jasaýǵa jumsaǵan.
Sot otyrysynda memlekettik aiyptaýshy sottalýshynyń kinásin dáleldeitin barlyq aiǵaqtardy usyndy. Aiyptalýshy óz kinásin tolyq moiyndap, keltirilgen materialdyq zalaldy ishinara ótegen.
Sot úkimimen kináli tulǵa 2 jyl 4 ai merzimge bas bostandyǵynan aiyrý jazasyna kesildi. Úkim zańdy kúshine endi.
