22-26 qańtar kúnderine arnalǵan aýa raiy boljamy belgili boldy, - dep habarlaidy "Ult aqparat" "Qazgidromet" RMK ókilderine silteme jasap.
23-26 qańtar aralyǵynda Astana qalasynda qatty aiaz túnde -35-40°S, kúndiz -27-32°S bolady dep kútilýde.
Astana qalasy ákimi Áset Isekeshov qala turǵyndaryn qaýipsizdik sharalaryna nazar aýdarýǵa shaqyrdy.
«Qazgidromettiń málimetterine sáikes, kelesi aptada, iaǵni 22 qańtardan bastap, ásirese 23-26 qańtar aralyǵynda aýa-raiy kúrt sýytyp, aýa temperatýrasy -35 - 40 gradýsqa deiin tómendeýi múmkin. Osyǵan bailanysty barlyq qalalyq qyzmetterge, ásirese úzdiksiz jylý energiiasymen qamtamasyz etetin energetikterge aiazdy kúnderge daiyn bolý úshin tapsyrma berdim», - dep jazdy qala ákimi feisbýktegi paraqshasynda.
Sondai-aq, 22-26 qańtar aralyǵynda Aqmola, Soltústik Qazaqstan, Pavlodar, Qaraǵandy, Shyǵys Qazaqstan oblystarynda qatty aiaz túnde -35-40°S, 24-26 qańtarda óte qatty aiaz -45°S, kúndiz -27-32°S, kei jerlerde -35°S kútiledi.
22-26 qańtar aralyǵynda Qostanai oblysynda qatty aiaz túnde -33-38°S, kúndiz -20-25°S bolady dep boljanyp otyr.
