استانادا تاعى دا قاتتى اياز بولماق

22-26 قاڭتار كٷندەرٸنە ارنالعان اۋا رايى بولجامى بەلگٸلٸ بولدى, - دەپ حابارلايدى "ۇلت اقپارات" "قازگيدرومەت" رمك ٶكٸلدەرٸنە سٸلتەمە جاساپ.

23-26 قاڭتار ارالىعىندا استانا قالاسىندا قاتتى اياز تٷندە -35-40°س, كٷندٸز -27-32°س بولادى دەپ كٷتٸلۋدە.

استانا قالاسى ەكٸمٸ ەسەت يسەكەشوۆ قالا تۇرعىندارىن قاۋٸپسٸزدٸك شارالارىنا نازار اۋدارۋعا شاقىردى.

«قازگيدرومەتتٸڭ مەلٸمەتتەرٸنە سەيكەس, كەلەسٸ اپتادا, ياعني 22 قاڭتاردان باستاپ, ەسٸرەسە 23-26 قاڭتار ارالىعىندا اۋا-رايى كٷرت سۋىتىپ, اۋا تەمپەراتۋراسى -35 - 40 گرادۋسقا دەيٸن تٶمەندەۋٸ مٷمكٸن. وسىعان بايلانىستى بارلىق قالالىق قىزمەتتەرگە, ەسٸرەسە ٷزدٸكسٸز جىلۋ ەنەرگيياسىمەن قامتاماسىز ەتەتٸن ەنەرگەتيكتەرگە ايازدى كٷندەرگە دايىن بولۋ ٷشٸن تاپسىرما بەردٸم», - دەپ جازدى قالا ەكٸمٸ فەيسبۋكتەگٸ پاراقشاسىندا.

سونداي-اق, 22-26 قاڭتار ارالىعىندا اقمولا, سولتٷستٸك قازاقستان, پاۆلودار, قاراعاندى, شىعىس قازاقستان وبلىستارىندا قاتتى اياز تٷندە -35-40°س, 24-26 قاڭتاردا ٶتە قاتتى اياز -45°س, كٷندٸز -27-32°س, كەي جەرلەردە -35°س كٷتٸلەدٸ.

22-26 قاڭتار ارالىعىندا قوستاناي وبلىسىندا قاتتى اياز تٷندە -33-38°س, كٷندٸز -20-25°س بولادى دەپ بولجانىپ وتىر.