Astanada bir aidyń ishinde tórtinshi áiel kóz jumdy, dep habarlaidy Sputnik Qazaqstan.
Bul aqparatty qalalyq densaýlyq saqtaý basqarmasynda rastady.
"Búgin saǵat 9:25-te Astananyń ekinshi perinataldyq ortalyǵynda bosanǵan áiel kóz jumdy. Meditsinalyq kómek kórsetýge ana men bala ulttyq ortalyǵy, ulttyq kardiohirýrgiialyq ortalyqtyń mamandary, Astana ýniversitetiniń kafedra professory tartyldy. Osyǵan qaramastan jańa bosanǵan áieldiń ómirin saqtap qalý múmkin bolmady", — dep habarlady basqarmadaǵylar.
Jańa týǵan qyz aman qaldy, sábidiń jaǵdaiy qalypty dep baǵalanyp otyr.
Bul oqiǵaǵa bailanysty sarapshylyq komissiiasy quryldy, ol áieldiń óliminiń sebebin anyqtaidy.
Áiel 33 jasta bolǵan, ol úshinshi balasyn dúniege ákelgen.
Sońǵy bir aida Astanada tórt áiel qaitys boldy. Alǵashqy úsh jaǵdai birinshi perinataldyq ortalyqta bolǵan edi. Olardyń óliminiń sebebi áli aitylǵan joq, árbir jaǵdai boiynsha saraptama júrgizilip jatyr. Tekseriske dúniejúzilik densaýlyq uiymynyń sarapshylary tartylmaq.
