استانادا بٸر ايدىڭ ٸشٸندە تٶرتٸنشٸ ەيەل كٶز جۇمدى, دەپ حابارلايدى Sputnik قازاقستان.
بۇل اقپاراتتى قالالىق دەنساۋلىق ساقتاۋ باسقارماسىندا راستادى.
"بٷگٸن ساعات 9:25-تە استانانىڭ ەكٸنشٸ پەريناتالدىق ورتالىعىندا بوسانعان ەيەل كٶز جۇمدى. مەديتسينالىق كٶمەك كٶرسەتۋگە انا مەن بالا ۇلتتىق ورتالىعى, ۇلتتىق كارديوحيرۋرگييالىق ورتالىقتىڭ ماماندارى, استانا ۋنيۆەرسيتەتٸنٸڭ كافەدرا پروفەسسورى تارتىلدى. وسىعان قاراماستان جاڭا بوسانعان ەيەلدٸڭ ٶمٸرٸن ساقتاپ قالۋ مٷمكٸن بولمادى", — دەپ حابارلادى باسقارماداعىلار.
جاڭا تۋعان قىز امان قالدى, سەبيدٸڭ جاعدايى قالىپتى دەپ باعالانىپ وتىر.
بۇل وقيعاعا بايلانىستى ساراپشىلىق كوميسسيياسى قۇرىلدى, ول ەيەلدٸڭ ٶلٸمٸنٸڭ سەبەبٸن انىقتايدى.
ەيەل 33 جاستا بولعان, ول ٷشٸنشٸ بالاسىن دٷنيەگە ەكەلگەن.
سوڭعى بٸر ايدا استانادا تٶرت ەيەل قايتىس بولدى. العاشقى ٷش جاعداي بٸرٸنشٸ پەريناتالدىق ورتالىقتا بولعان ەدٸ. ولاردىڭ ٶلٸمٸنٸڭ سەبەبٸ ەلٸ ايتىلعان جوق, ەربٸر جاعداي بويىنشا ساراپتاما جٷرگٸزٸلٸپ جاتىر. تەكسەرٸسكە دٷنيەجٷزٸلٸك دەنساۋلىق ۇيىمىنىڭ ساراپشىلارى تارتىلماق.
