Foto: Polisia.kz
Sýǵa batqan balanyń ómirin saqtap qalǵan áiel politsiia qyzmetkeri bolyp shyqty.
Oqiǵa Astanadaǵy qoǵamdyq basseinderdiń birinde boldy. Bala ómirin qutqarý sáti beinebaqylaý kamerasyna túsip qalǵan, – dep habarlaidy Polisia.kz saity.
Videodan sýda es-tússiz jatqan balany qutqarýshy qyzdyń shyǵaryp jatqanyn baiqaýǵa bolady. Keiin ony er adam jerge kóterip jatqyzady. Sol sátte kómekke demalýshy áielderdiń biri keledi. Ol dereý qimyldarmen júrek-ókpe reanimatsiiasyn jasap, balanyń tynysyn qaitarady.
Bassein qyzmetkerleri balany jedel járdem qyzmeti kelgennen keiin dárigerlerge tapsyrǵan.
"Qazir onyń ómiri men densaýlyǵyna qaýip tónip turǵan joq. Ata-anasy balany qutqarýǵa qatysqandardyń barlyǵyna alǵystaryn bildirdi.
Belgili bolǵandai, alǵashqy meditsinalyq kómek kórsetken áieldiń esimi - Nazym Sháripova. Ol “Esil” aýdanynyń politsiia basqarmasynda anyqtaýshy bolyp jumys isteidi. Sol kúni politsei otbasymen birge demalysta bolǵan.
Ol qutqarý kezinde balaǵa zaqym keltirmeý úshin erekshe saqtyqpen qimyldaǵan", - delingen habarlamada.
Foto: Polisia.kz
