Astanada stendap-komik Ǵalym Qaliaqbarovtyń kontserti politsiianyń aralasýynan keiin toqtatyldy. Oqiǵa basty sailaýaldy teledebattar efirde ótip jatqan kezde bolǵan. Bul týraly «Botagóz!» Telegram arnasy habarlady, dep jazady ult.kz.
Kýágerlerdiń aitýynsha, zalǵa politsiia qyzmetkerleri kirip, komikti sahna syrtyndaǵy bólmege alyp ketken. Aldyn ala málimet boiynsha, buǵan is-sharanyń tiisti túrde kelisilmeýi sebep bolýy múmkin.
Alaida kórermenderdiń sózinshe, kontserttiń naqty qandai negizde toqtatylǵany birden túsindirilmegen. Politsiia tarapynan aitylǵan talaptardyń arasynda sahnadaǵy beiádep sózder de bolǵan.
Oqiǵa kezinde stendaper sabyr saqtap, ázilderin jalǵastyrǵan.
Is-sharanyń shynymen kelisilmegeni jáne politsiianyń kontsertti toqtatýǵa qandai negizben kelgeni ázirge belgisiz.
