Sýret: pexels
QMA elordalyq departamenti Astana qalasy ákimdiginiń «Sporttyń olimpiadalyq túrleri boiynsha sportty damytý direktsiiasy» QMM-niń laýazymdy tulǵalaryna qatysty biýdjet qarajatyn jymqyrdy degen kúdikpen tergeý júrgizip jatyr, - dep habarlaidy "Ult aqparat" Qarjylyq monitoring agenttiginiń baspasóz qyzmetine silteme jasap.
Tergeý málimetterine sáikes, 2020-2023 jyldary aralyǵynda aqsha jymqyrý shetelde de, respýblika ishinde de oqý-jattyǵýlar men jarystarǵa bólingen issapar shyǵyndaryn asyra kórsetý arqyly jasalǵan.
Is júzinde jumsalǵan aqshadan aiyrma túrinde alynǵan qarajatty QMM basshylyǵy alyp otyrǵan.
"Zańsyz áreketterden memleketke keltirilgen shyǵyn kólemi 70 mln teńgeni qurady. Sonymen birge, KMM basshysy oqý-jattyǵý jiyndaryn qarjylandyrý máselesi boiynsha oń sheshim qabyldaǵany úshin jattyqtyrýshydan 4 mln teńge kóleminde para alǵany anyqtaldy.
QMM bastyǵyna qatysty qamaýǵa alý túrindegi bultartpaý sharasy sanktsiialandy.
Qazir tergeý amaldary júrgizilýde. QR QPK 201-babynyń talaptaryna sáikes sotqa deiingi tergep-tekserýdiń basqa derekteri jariia etilýge jatpaidy", - delingen habarlamada.
QR Konstitýtsiiasynyń 77-babynyń 3-tarmaǵynyń 1-tarmaqshasyna jáne QR Qylmystyq-protsestik kodeksiniń 19-babynyń 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árkim kinásiz dep esepteledi.
