Elordada barlyq kepilger elderdiń delegatsiialarynyń qatysýymen Siriia boiynsha Astana protsesi aiasynda ekijaqty jáne úshjaqty kelissózder bastaldy, dep habarlaidy QazAqparat tilshisi.
QR SIM baspasóz qyzmetiniń basshysy habarlaǵandai, kelissózder jabyq túrde ótkizilip jatyr. Qazaqstannyń astanasyna sonymen birge Bashar Djaafaridiń basshylyǵyndaǵy úkimet delegatsiiasy men BUU delegatsiiasy kelip jetti. Siriia boiynsha BUU Bas hatshysynyń arnaiy ýákili Staffan de Mistýra elordaǵa búgin kúndiz kelmek. Siriia qarýly oppozitsiiasynyń delegatsiiasy 15 mamyr kúni túnde keledi dep kútilip otyr.
Ánýar Jainaqovtyń habarlaýyna qaraǵanda, Astanadaǵy Siriia boiynsha kelissózderdiń osy raýndyna AQSh delegatsiiasy qatysýdan qalys qalǵan.
Osyǵan deiin habarlanǵanyndai, kepilger elderden alynǵan aqparattarǵa sáikes, Astanadaǵy kelissózder barysynda taraptar Siriiadaǵy qazirgi jaǵdaidy, sonyń ishinde deeskalatsiia aimaqtarynda gýmanitarlyq máselelerdi jáne senimdi nyǵaitý sharalaryn talqylaidy, sondai-aq osy arab elindegi daǵdarysty retteý protsesin damytýdy úilestirý máselelerin qaraýǵa nietti.
