_resized (1).jpg)
21 qyrkúiekte Astanada "Dala qyrandary" jastar qoǵamdyq birlestiginiń uiymdastyrýymen sintetikalyq esirtkini taratýshylarǵa qarsy «SATQYNDAR» aktsiiasy ótýde, dep habarlaidy «Ult Aqparat».
Qazaqstannyń túkpir-túkpirinen 2000-nan astam jas azamat jinalǵan naýqan bir rettik aktsiia emes. Bul elimizdiń ár aimaǵynan kelgen jas eriktiler óz qalalarynyń kóshelerin esirtkilerdi satýshylar men olardyń kómekshilerinen tazartýdy qolǵa alǵan eken.
Sharanyń uiymdastyrýshylarynyń biri "Dala qyrandary" uiymynyń koordinatory Nurǵali Tursynǵazievtiń sózinshe naýqan uiymdastyrýshylarynyń basty maqsaty elimizdiń bolashaǵyna nemquraily qaramaityn jastardy bir alańǵa jinap, esirtkimen kúreske óz úlesterin qosý.
«Qazirgi ýaqytta sintetikalyq esirtkiler kóptegen jastarymyzdyń bolashaǵyna balta shaýyp, olardy ýlap jatyr. Sondyqtan sintetikalyq esirtkilerdi joiýǵa at salysý úshin osyndai aktsiialar uiymdastyryp jatyrmyz. Bul sharaǵa 2000-nan artyq jas qatysyp jatyr. Biz bul aktsiiaǵa daiyndaldyq. Qazaqstannyń túkpir-túkpirine baryp, elimizdiń bolashaǵyna nemquraily qaramaityn jastardy jinadyq. "Dala qyrandary" jastar qoǵamdyq birlestiginiń maqsaty jaqynda Qasym-Jomart Kemeluly Toqaev aityp ótkendei, esirtkige qarsymyz, esirtki jastarymyzdy ýlap jatyr. Sol sebepti, bul barlyǵymyzdyń úlken problemamyz deýge bolady», -deidi Nurǵali Tursynǵaziev.
"Dala qyrandary" volonterlary bul aktsiiada esirtki jarnamasy bar saittar men áleýmettik jelilerdiń siltemesi bar graffitilerdi ózgertip, óz siltemelerin qoimaq. Uiymdastyrýshylardyń sózinshe qazirgi kezde tipti QR kodtar arqyly da esirtki jarnamasyniń siltemesine kire beretin bolǵan. Sondyqtan "Dala qyrandary" ókilderi óz QR kodtary arqyly esirtki biznesimen ainalysatyndardy aldaýsyratpaq. Sóitip, satyp alýshylarmen bailanysqa shyǵatyndardy politsiianyń kómegimen anyqtamaq.
«Biz olardyń óz ádisin ózderine qoldanbaqpyz» dep otyr uiym koordinatorlary.
«Sońǵy 5 jylda esirtki satý 10 ese ósken. Sebebi ony satyp alý ońai jáne baǵasy úsh bótelke araqtyń qunyndai ǵana. Oǵan adamdar bir tatyp kórgennen táýeldi bolyp qalady deidi. Sondyqtan urpaǵymyzdyń jany da, táni de saý bolýy úshin biz osyndai jumysqa kiristik», -deidi Nurǵali Tursynǵaziev.
Psihotropty zattarǵa táýeldi adamdardy emdeýmen ainalysamyn, sportty nasihattaimyn dep ózin tanystyrǵan Sergei Laptev mundai aktsiialardy turaqty túrde ótkizip otyrý qajet ekenin aitty.
«Mundai aktsiialar halyqty aqparattandyrýǵa zor úlesin qosady. Sebebi, kóp adam esirtkige táýeldilik týraly kóp nárse bilmeidi. Shyn máninde esirtki adam aǵzasyna túrli jolmen túsedi jáne nashaqordyń túr-álpeti basqalardan ózgeshe bolyp kórinbeýi de múmkin. Siz onyń nashaqor ekenin birden baiqamaýyńyz da yqtimal. Sondyqtan, mundai sharalar adamdardyń syni kózqarasyn, túsinigin qalyptastyrady», -dep otyr Sergei Laptev.
Aktsiiaǵa erikti bolyp qatysyp jatqan Beibarys Kamali naýqannyń mańyzy týraly aitty.
«Bolashaqta ár-bir besinshi adam esirtkige otyrǵan nashaqor adam bolýy múmkin. Sol statistikanyń aldyn alý úshin biz qazir osyndai úlken aktsiia jasap, esirtkige qarsy kúresti qazirden bastap jatyrmyz», -deidi jas erikti.
«SATQYNDAR» degen atpen ótken esirtkige qarsy aktsiiada Shiza, HiRo jáne Yerbolat siiaqty tanymal ártister naýqan men onyń qatysýshylaryna óz ónerlerimen qoldaý kórsetti.
