_resized (1).jpg)
21 قىركٷيەكتە استانادا "دالا قىراندارى" جاستار قوعامدىق بٸرلەستٸگٸنٸڭ ۇيىمداستىرۋىمەن سينتەتيكالىق ەسٸرتكٸنٸ تاراتۋشىلارعا قارسى «ساتقىندار» اكتسيياسى ٶتۋدە, دەپ حابارلايدى «ۇلت اقپارات».
قازاقستاننىڭ تٷكپٸر-تٷكپٸرٸنەن 2000-نان استام جاس ازامات جينالعان ناۋقان بٸر رەتتٸك اكتسييا ەمەس. بۇل ەلٸمٸزدٸڭ ەر ايماعىنان كەلگەن جاس ەرٸكتٸلەر ٶز قالالارىنىڭ كٶشەلەرٸن ەسٸرتكٸلەردٸ ساتۋشىلار مەن ولاردىڭ كٶمەكشٸلەرٸنەن تازارتۋدى قولعا العان ەكەن.
شارانىڭ ۇيىمداستىرۋشىلارىنىڭ بٸرٸ "دالا قىراندارى" ۇيىمىنىڭ كوورديناتورى نۇرعالي تۇرسىنعازيەۆتٸڭ سٶزٸنشە ناۋقان ۇيىمداستىرۋشىلارىنىڭ باستى ماقساتى ەلٸمٸزدٸڭ بولاشاعىنا نەمقۇرايلى قارامايتىن جاستاردى بٸر الاڭعا جيناپ, ەسٸرتكٸمەن كٷرەسكە ٶز ٷلەستەرٸن قوسۋ.
«قازٸرگٸ ۋاقىتتا سينتەتيكالىق ەسٸرتكٸلەر كٶپتەگەن جاستارىمىزدىڭ بولاشاعىنا بالتا شاۋىپ, ولاردى ۋلاپ جاتىر. سوندىقتان سينتەتيكالىق ەسٸرتكٸلەردٸ جويۋعا ات سالىسۋ ٷشٸن وسىنداي اكتسييالار ۇيىمداستىرىپ جاتىرمىز. بۇل شاراعا 2000-نان ارتىق جاس قاتىسىپ جاتىر. بٸز بۇل اكتسيياعا دايىندالدىق. قازاقستاننىڭ تٷكپٸر-تٷكپٸرٸنە بارىپ, ەلٸمٸزدٸڭ بولاشاعىنا نەمقۇرايلى قارامايتىن جاستاردى جينادىق. "دالا قىراندارى" جاستار قوعامدىق بٸرلەستٸگٸنٸڭ ماقساتى جاقىندا قاسىم-جومارت كەمەلۇلى توقاەۆ ايتىپ ٶتكەندەي, ەسٸرتكٸگە قارسىمىز, ەسٸرتكٸ جاستارىمىزدى ۋلاپ جاتىر. سول سەبەپتٸ, بۇل بارلىعىمىزدىڭ ٷلكەن پروبلەمامىز دەۋگە بولادى», -دەيدٸ نۇرعالي تۇرسىنعازيەۆ.
"دالا قىراندارى" ۆولونتەرلارى بۇل اكتسييادا ەسٸرتكٸ جارناماسى بار سايتتار مەن ەلەۋمەتتٸك جەلٸلەردٸڭ سٸلتەمەسٸ بار گراففيتيلەردٸ ٶزگەرتٸپ, ٶز سٸلتەمەلەرٸن قويماق. ۇيىمداستىرۋشىلاردىڭ سٶزٸنشە قازٸرگٸ كەزدە تٸپتٸ QR كودتار ارقىلى دا ەسٸرتكٸ جارناماسىنٸڭ سٸلتەمەسٸنە كٸرە بەرەتٸن بولعان. سوندىقتان "دالا قىراندارى" ٶكٸلدەرٸ ٶز QR كودتارى ارقىلى ەسٸرتكٸ بيزنەسٸمەن اينالىساتىنداردى الداۋسىراتپاق. سٶيتٸپ, ساتىپ الۋشىلارمەن بايلانىسقا شىعاتىنداردى پوليتسييانىڭ كٶمەگٸمەن انىقتاماق.
«بٸز ولاردىڭ ٶز ەدٸسٸن ٶزدەرٸنە قولدانباقپىز» دەپ وتىر ۇيىم كوورديناتورلارى.
«سوڭعى 5 جىلدا ەسٸرتكٸ ساتۋ 10 ەسە ٶسكەن. سەبەبٸ ونى ساتىپ الۋ وڭاي جەنە باعاسى ٷش بٶتەلكە اراقتىڭ قۇنىنداي عانا. وعان ادامدار بٸر تاتىپ كٶرگەننەن تەۋەلدٸ بولىپ قالادى دەيدٸ. سوندىقتان ۇرپاعىمىزدىڭ جانى دا, تەنٸ دە ساۋ بولۋى ٷشٸن بٸز وسىنداي جۇمىسقا كٸرٸستٸك», -دەيدٸ نۇرعالي تۇرسىنعازيەۆ.
پسيحوتروپتى زاتتارعا تەۋەلدٸ ادامداردى ەمدەۋمەن اينالىسامىن, سپورتتى ناسيحاتتايمىن دەپ ٶزٸن تانىستىرعان سەرگەي لاپتەۆ مۇنداي اكتسييالاردى تۇراقتى تٷردە ٶتكٸزٸپ وتىرۋ قاجەت ەكەنٸن ايتتى.
«مۇنداي اكتسييالار حالىقتى اقپاراتتاندىرۋعا زور ٷلەسٸن قوسادى. سەبەبٸ, كٶپ ادام ەسٸرتكٸگە تەۋەلدٸلٸك تۋرالى كٶپ نەرسە بٸلمەيدٸ. شىن مەنٸندە ەسٸرتكٸ ادام اعزاسىنا تٷرلٸ جولمەن تٷسەدٸ جەنە ناشاقوردىڭ تٷر-ەلپەتٸ باسقالاردان ٶزگەشە بولىپ كٶرٸنبەۋٸ دە مٷمكٸن. سٸز ونىڭ ناشاقور ەكەنٸن بٸردەن بايقاماۋىڭىز دا ىقتيمال. سوندىقتان, مۇنداي شارالار ادامداردىڭ سىني كٶزقاراسىن, تٷسٸنٸگٸن قالىپتاستىرادى», -دەپ وتىر سەرگەي لاپتەۆ.
اكتسيياعا ەرٸكتٸ بولىپ قاتىسىپ جاتقان بەيبارىس كامالي ناۋقاننىڭ ماڭىزى تۋرالى ايتتى.
«بولاشاقتا ەر-بٸر بەسٸنشٸ ادام ەسٸرتكٸگە وتىرعان ناشاقور ادام بولۋى مٷمكٸن. سول ستاتيستيكانىڭ الدىن الۋ ٷشٸن بٸز قازٸر وسىنداي ٷلكەن اكتسييا جاساپ, ەسٸرتكٸگە قارسى كٷرەستٸ قازٸردەن باستاپ جاتىرمىز», -دەيدٸ جاس ەرٸكتٸ.
«ساتقىندار» دەگەن اتپەن ٶتكەن ەسٸرتكٸگە قارسى اكتسييادا Shiza, HiRo جەنە Yerbolat سيياقتى تانىمال ەرتٸستەر ناۋقان مەن ونىڭ قاتىسۋشىلارىنا ٶز ٶنەرلەرٸمەن قولداۋ كٶرسەتتٸ.
