Foto: ashyq derekkóz
Astanada shetel azamattaryna zańsyz túrde turaqty turýǵa ruqsat alyp bergen eki qala turǵynyna qatysty sot úkimi shyqty, dep habarlaidy Ult.kz.
Tergeý barysynda olardyń paidakúnemdik maqsatta áreket etkeni, ýákiletti organdarǵa jalǵan qujattar men kórineý jalǵan málimetter usynyp, sheteldikterge zańsyz ruqsattar rásimdegeni anyqtaldy. Bul qyzmetteri úshin olar múddeli tulǵalardan aqshalai syiaqy alyp otyrǵan.
Sotta aiyptalýshylar kinásin tolyq moiyndady. Barlyq jaǵdailardy eskere otyryp, sot olarǵa tiisinshe 1 jyl 6 ai jáne 2 jyl merzimge bas bostandyǵynan aiyrý jazasyn taǵaiyndady.
Sonymen qatar memleket kirisine 100 myń AQSh dollary, 2,5 mln teńge jáne 200 myń resei rýbli kólemindegi zańsyz tabys óndirildi.
Astana qalasynyń prokýratýrasy zańsyz kóshi-qondy uiymdastyrǵandar úshin múlki tárkilenip, 7 jylǵa deiin bas bostandyǵynan aiyrý jazasy qarastyrylǵanyn eske saldy.
