Astanada buryn jumys istegen qurylys nysanynan mys kabel urlady degen kúdikpen 26 jastaǵy qala turǵyny ustaldy, dep habarlaidy ult.kz.
Politsiianyń málimetinshe, jedel-izdestirý is-sharalary barysynda bótenniń múlkin jasyryn jymqyrý deregine qatysy bar kúdikti anyqtalǵan.
Tergeý barysynda er adamnyń buryn jumys istegen nysan aýmaǵyna esh kedergisiz kirip, eshkimge baiqatpai «VVG 3h2,5» markaly mys kabeldi jasyryn alyp shyqqany anyqtaldy.
Jábirlenýshiniń aryzynan keiin politseiler keshendi jedel-izdestirý sharalaryn júrgizip, kúdiktiniń jeke basyn qysqa ýaqytta anyqtaǵan. Ol ustalyp, Astana qalasy Politsiia departamentiniń ýaqytsha ustaý izoliatoryna qamaldy.
Atalǵan fakti boiynsha Qylmystyq kodekstiń «Urlyq» baby boiynsha sotqa deiingi tergeý júrgizilip jatyr.
Politsiia azamattarǵa qurylys materialdaryn, kabel ónimderin jáne ózge de baǵaly múlikti qaraýsyz qaldyrmaýǵa keńes berdi. Vedomstvonyń málimetinshe, qarapaiym qaýipsizdik sharalaryn saqtaý múliktik qylmystardyń aldyn alýǵa kómektesedi. Zańsyz áreket jasaǵan árbir adam zań aldynda jaýap beretini de eskertildi.
