Astanadaǵy Baiqońyr aýdanynda beton zaýyty aýmaǵynda órt shyqty. Tótenshe jaǵdai saldarynan 10 sharshy metr aýmaqta terek mamyǵy, jinalǵan qoqys pen rezeńke-tehnikalyq zattar janǵan, dep habarlaidy ult.kz.
Oqiǵa ornyna jedel jetken órt sóndirýshiler tilsiz jaýdy qysqa ýaqyt ishinde aýyzdyqtady. Mamandardyń málimetinshe, shaqyrtý túsken sátten bastap órt nebári 24 minýtta tolyqtai sóndirilgen.
Abyroi bolǵanda, zardap shekkender tirkelgen joq.
Tótenshe jaǵdailar qyzmeti turǵyndardy qaýipsizdik talaptaryn saqtaýǵa shaqyryp, qandai da bir tótenshe jaǵdai týyndaǵan kezde birden 112 nómirine habarlasý qajettigin eskertti.
