Foto: Gov.kz
Mádeniet jáne aqparat ministri Aida Balaeva jańa Óner mýzeiin tamashalady, dep habarlaidy Ult.kz.
Ministr 1600-den astam ulttyq mýzykalyq aspap qoiylǵan mýzei ekspozitsiiasymen tanysty.
Mýzeide sirek kezdesetin jáne umyt bola bastaǵan aspaptarǵa erekshe nazar aýdarylǵan. Atap aitsaq, jelbýaz, mes syrnai, ýildek, tastaýyq jáne basqa da kóne aspaptar bar. Barlyq eksponatty mýzei qyzmetkerleri qoldan jasaǵan. Sonymen qatar, kópshilikke ulttyq kiimder zaly men mekemeniń sheberhanasy kórsetildi.
Aida Balaeva Qazaqstanda kóne ulttyq mýzykalyq aspaptar, áshekei buiymdar men kiimderdi qalpyna keltire alatyn sheberlerdiń jetispeýshiligi týraly sóz qozǵady. Ministrdiń aitýynsha, Astanada osyndai mýzeidiń ashylýy ulttyq mádeniet pen qolónerdi nasihattaýǵa zor úles qosady.
«Mýzykalyq aspaptar da, ulttyq kiim de – bizdiń ulttyq muramyzdyń bir bóligi. Jaqynda Kreativti indýstriia qoryn ashqanymyzdy bilesizder. Osy atalǵan dúnieler kreativti indýstriianyń quramdas bóligi bolǵandyqtan, mýzeidiń filialyn sol qordyń janynan ashýdy usynamyn. Qor men mýzeige týrister men sheteldik qonaqtar keledi, al bul óz kezeginde ulttyq mádenietimizdi el ishinde de, shet elde de tanytýǵa yqpal etedi», – dedi ministr.
Is-shara aiasynda JOSHY QAZAQ NATIONAL GROUP mýltiaspaptyq ansambli óner kórsetti. Ujym ártisteri aspaptaryn ózderi jasap, avtorlyq kompozitsiialar jazady.
Óner mýzeii XIX ǵasyrdyń sońynda salynǵan tarihi mektep ǵimaratynda ornalasqan. 1982 jyly bul nysan respýblikalyq mańyzy bar tarih jáne mádeniet eskertkishteri tizimine engizilip, memleket qorǵaýyna alynǵan. Mýzeide kóne mýzykalyq aspaptardy qalpyna keltirý jáne saqtaý sheberhanasy jumys isteitin bolady.
Jańa mýzei qalalyq Birikken mýzeiler direktsiiasynyń quramynda jumys isteidi. Oǵan saiasi qýǵyn-súrgin jáne totalitarizm qurbandaryna arnalǵan «ALJIR» memorialdyq kesheni men Sáken Seifýllin mýzeii kiredi.
