فوتو: Gov.kz
مەدەنيەت جەنە اقپارات مينيسترٸ ايدا بالاەۆا جاڭا ٶنەر مۋزەيٸن تاماشالادى, دەپ حابارلايدى Ult.kz.
مينيستر 1600-دەن استام ۇلتتىق مۋزىكالىق اسپاپ قويىلعان مۋزەي ەكسپوزيتسيياسىمەن تانىستى.
مۋزەيدە سيرەك كەزدەسەتٸن جەنە ۇمىت بولا باستاعان اسپاپتارعا ەرەكشە نازار اۋدارىلعان. اتاپ ايتساق, جەلبۋاز, مەس سىرناي, ۋٸلدەك, تاستاۋىق جەنە باسقا دا كٶنە اسپاپتار بار. بارلىق ەكسپوناتتى مۋزەي قىزمەتكەرلەرٸ قولدان جاساعان. سونىمەن قاتار, كٶپشٸلٸككە ۇلتتىق كيٸمدەر زالى مەن مەكەمەنٸڭ شەبەرحاناسى كٶرسەتٸلدٸ.
ايدا بالاەۆا قازاقستاندا كٶنە ۇلتتىق مۋزىكالىق اسپاپتار, ەشەكەي بۇيىمدار مەن كيٸمدەردٸ قالپىنا كەلتٸرە الاتىن شەبەرلەردٸڭ جەتٸسپەۋشٸلٸگٸ تۋرالى سٶز قوزعادى. مينيستردٸڭ ايتۋىنشا, استانادا وسىنداي مۋزەيدٸڭ اشىلۋى ۇلتتىق مەدەنيەت پەن قولٶنەردٸ ناسيحاتتاۋعا زور ٷلەس قوسادى.
«مۋزىكالىق اسپاپتار دا, ۇلتتىق كيٸم دە – بٸزدٸڭ ۇلتتىق مۇرامىزدىڭ بٸر بٶلٸگٸ. جاقىندا كرەاتيۆتٸ يندۋسترييا قورىن اشقانىمىزدى بٸلەسٸزدەر. وسى اتالعان دٷنيەلەر كرەاتيۆتٸ يندۋسترييانىڭ قۇرامداس بٶلٸگٸ بولعاندىقتان, مۋزەيدٸڭ فيليالىن سول قوردىڭ جانىنان اشۋدى ۇسىنامىن. قور مەن مۋزەيگە تۋريستەر مەن شەتەلدٸك قوناقتار كەلەدٸ, ال بۇل ٶز كەزەگٸندە ۇلتتىق مەدەنيەتٸمٸزدٸ ەل ٸشٸندە دە, شەت ەلدە دە تانىتۋعا ىقپال ەتەدٸ», – دەدٸ مينيستر.
ٸس-شارا اياسىندا JOSHY QAZAQ NATIONAL GROUP مۋلتياسپاپتىق انسامبلٸ ٶنەر كٶرسەتتٸ. ۇجىم ەرتٸستەرٸ اسپاپتارىن ٶزدەرٸ جاساپ, اۆتورلىق كومپوزيتسييالار جازادى.
ٶنەر مۋزەيٸ XIX عاسىردىڭ سوڭىندا سالىنعان تاريحي مەكتەپ عيماراتىندا ورنالاسقان. 1982 جىلى بۇل نىسان رەسپۋبليكالىق ماڭىزى بار تاريح جەنە مەدەنيەت ەسكەرتكٸشتەرٸ تٸزٸمٸنە ەنگٸزٸلٸپ, مەملەكەت قورعاۋىنا الىنعان. مۋزەيدە كٶنە مۋزىكالىق اسپاپتاردى قالپىنا كەلتٸرۋ جەنە ساقتاۋ شەبەرحاناسى جۇمىس ٸستەيتٸن بولادى.
جاڭا مۋزەي قالالىق بٸرٸككەن مۋزەيلەر ديرەكتسيياسىنىڭ قۇرامىندا جۇمىس ٸستەيدٸ. وعان ساياسي قۋعىن-سٷرگٸن جەنە توتاليتاريزم قۇرباندارىنا ارنالعان «الجير» مەموريالدىق كەشەنٸ مەن سەكەن سەيفۋللين مۋزەيٸ كٸرەدٸ.
