Astanada baýyr transplantatsiiasyn kútip jatqan 32 jastaǵy Gúldana Qurmanǵalievanyń emine jinalǵan qarjy qoldy boldy. Ury aqsha salynǵan jáshikti alyp ketken sát videoǵa túsip qalǵan. Bul týraly naýqas qyzdyń qurbysy Alina Semizbaeva habarlady, dep jazady Sputnik Qazaqstan.
"11 tamyzda qaiyrymdylyq kontserti uiymdastyryldy. Bul kontserttiń maqsaty meniń qurbym Gúldana Qurmanǵalievanyń emine aqsha jinaý bolatyn. Ol baýyr aýystyrý operatsiiasyn kútip jatyr. Operatsiia Deli qalasynda aqyly negizde jasalady dep josparlanyp otyr. Soǵan qarjy jinaý maqsatynda Astana qalasyndaǵy Burger Shop meiramhanasyna jáshik ornatyldy. Plastmassadan jasalǵan jáshik eshteńege bekitilmegen edi. Mekeme ákimshiligi qaiyrymdylyq kontsertinen keiin jáshikti taǵy bir apta qaldyrýdy surady. Sodan bir aptadan keiin alyp ketetin bolyp kelisken edik. Alaida keshe atalǵan jáshikti urlap ketkeni jóninde habar aldyq. Ury meiramhanada eshkim bolmaǵan sátti paidalanǵan. Onyń ishinde qansha qarjy bolǵanyn biz bilmeimiz", — deidi naýqas qyzdyń qurbysy.
Alina Semizbaeva atap ótkendei, jáshikti belgisiz er adam alyp ketkeni videkameraǵa túsip qalǵan.
Astanada naýqas qyzdyń kóz jasyna qalǵan ury videoǵa túsip qaldy
Oqi otyryńyz
