استانادا باۋىر ترانسپلانتاتسيياسىن كٷتٸپ جاتقان 32 جاستاعى گٷلدانا قۇرمانعاليەۆانىڭ ەمٸنە جينالعان قارجى قولدى بولدى. ۇرى اقشا سالىنعان جەشٸكتٸ الىپ كەتكەن سەت ۆيدەوعا تٷسٸپ قالعان. بۇل تۋرالى ناۋقاس قىزدىڭ قۇربىسى الينا سەمٸزباەۆا حابارلادى, دەپ جازادى Sputnik قازاقستان.
"11 تامىزدا قايىرىمدىلىق كونتسەرتٸ ۇيىمداستىرىلدى. بۇل كونتسەرتتٸڭ ماقساتى مەنٸڭ قۇربىم گٷلدانا قۇرمانعاليەۆانىڭ ەمٸنە اقشا جيناۋ بولاتىن. ول باۋىر اۋىستىرۋ وپەراتسيياسىن كٷتٸپ جاتىر. وپەراتسييا دەلي قالاسىندا اقىلى نەگٸزدە جاسالادى دەپ جوسپارلانىپ وتىر. سوعان قارجى جيناۋ ماقساتىندا استانا قالاسىنداعى Burger Shop مەيرامحاناسىنا جەشٸك ورناتىلدى. پلاستماسسادان جاسالعان جەشٸك ەشتەڭەگە بەكٸتٸلمەگەن ەدٸ. مەكەمە ەكٸمشٸلٸگٸ قايىرىمدىلىق كونتسەرتٸنەن كەيٸن جەشٸكتٸ تاعى بٸر اپتا قالدىرۋدى سۇرادى. سودان بٸر اپتادان كەيٸن الىپ كەتەتٸن بولىپ كەلٸسكەن ەدٸك. الايدا كەشە اتالعان جەشٸكتٸ ۇرلاپ كەتكەنٸ جٶنٸندە حابار الدىق. ۇرى مەيرامحانادا ەشكٸم بولماعان سەتتٸ پايدالانعان. ونىڭ ٸشٸندە قانشا قارجى بولعانىن بٸز بٸلمەيمٸز", — دەيدٸ ناۋقاس قىزدىڭ قۇربىسى.
الينا سەمٸزباەۆا اتاپ ٶتكەندەي, جەشٸكتٸ بەلگٸسٸز ەر ادام الىپ كەتكەنٸ ۆيدەكامەراعا تٷسٸپ قالعان.
استانادا ناۋقاس قىزدىڭ كٶز جاسىنا قالعان ۇرى ۆيدەوعا تٷسٸپ قالدى
وقى وتىرىڭىز
