Foto: QR EM
Kazakhstan Energy Week-2025 aiasynda Astanada Qazaqstannyń 2025–2040 jyldarǵa arnalǵan munai óńdeý salasyn damytý tujyrymdamasy tanystyryldy, dep habarlaidy Ult.kz.
Qujat Úkimet qaýlysymen bekitilip, ony Energetika ministrligi Munaidy tasymaldaý jáne óńdeý departamenti direktorynyń orynbasary Talǵat Makýov tanystyrdy.
Jańa strategiialyq qujat 15 jylǵa arnalǵan munai óńdeý jáne munai-himiia salasynyń negizgi baǵyttaryn aiqyndaidy. Ol eldiń energetikalyq qaýipsizdigin nyǵaityp, ekonomikalyq turaqtylyqty arttyrýdy kózdeidi.
Talǵat Makýovtyń aitýynsha, Qazaqstanda munai-gaz himiiasy eki baǵytta damýda:
-
munai himiiasy – benzol, paraksilol óndirisinen bastap organikalyq qosylystarǵa deiingi tereń qaita óńdeýdi qamtidy;
-
gaz himiiasy – KPI jobasy arqyly polipropilen, sondai-aq polietilen men býtadien óndirisin damytý.
Aldaǵy ýaqytta qoldanystaǵy zaýyttardy keńeitip, joǵary tehnologiialy integratsiialanǵan keshender salý josparlanǵan. Mundai zaýyttar jańa munai-himiia klasterleriniń ózegine ainalyp, investorlar úshin tartymdy aktivterge jol ashady.
Tujyrymdama «Strategiia-2050», ulttyq damý jospary jáne kómirtektik beitaraptyq strategiiasyna súienip jasalǵan. Josparlanǵan investitsiia kólemi – 15–19 mlrd AQSh dollary, bul munai óńdeý qýatyn jylyna 18 mln tonnadan 39 mln tonnaǵa deiin jetkizýge múmkindik beredi.
Basty maqsat – munai óndirý men óńdeý araqatynasyn qazirgi 5:1 deńgeiinen 2,5:1 deńgeiine deiin jaqsartý. Sonymen qatar qujat ekologiialyq standarttardy kúsheitip, ziiandy qaldyqtardy azaitýǵa basymdyq beredi.
Tujyrymdamany júzege asyrý nátijesinde ishki naryq sapaly munai ónimderimen qamtylyp, eksporttyq áleýet artady, jańa jumys oryndary ashylyp, Qazaqstannyń investitsiialyq tartymdylyǵy joǵarylai túspek.
