فوتو: قر ەم
Kazakhstan Energy Week-2025 اياسىندا استانادا قازاقستاننىڭ 2025–2040 جىلدارعا ارنالعان مۇناي ٶڭدەۋ سالاسىن دامىتۋ تۇجىرىمداماسى تانىستىرىلدى, دەپ حابارلايدى Ult.kz.
قۇجات ٷكٸمەت قاۋلىسىمەن بەكٸتٸلٸپ, ونى ەنەرگەتيكا مينيسترلٸگٸ مۇنايدى تاسىمالداۋ جەنە ٶڭدەۋ دەپارتامەنتٸ ديرەكتورىنىڭ ورىنباسارى تالعات ماكۋوۆ تانىستىردى.
جاڭا ستراتەگييالىق قۇجات 15 جىلعا ارنالعان مۇناي ٶڭدەۋ جەنە مۇناي-حيمييا سالاسىنىڭ نەگٸزگٸ باعىتتارىن ايقىندايدى. ول ەلدٸڭ ەنەرگەتيكالىق قاۋٸپسٸزدٸگٸن نىعايتىپ, ەكونوميكالىق تۇراقتىلىقتى ارتتىرۋدى كٶزدەيدٸ.
تالعات ماكۋوۆتىڭ ايتۋىنشا, قازاقستاندا مۇناي-گاز حيميياسى ەكٸ باعىتتا دامۋدا:
-
مۇناي حيميياسى – بەنزول, پاراكسيلول ٶندٸرٸسٸنەن باستاپ ورگانيكالىق قوسىلىستارعا دەيٸنگٸ تەرەڭ قايتا ٶڭدەۋدٸ قامتيدى;
-
گاز حيميياسى – KPI جوباسى ارقىلى پوليپروپيلەن, سونداي-اق پوليەتيلەن مەن بۋتاديەن ٶندٸرٸسٸن دامىتۋ.
الداعى ۋاقىتتا قولدانىستاعى زاۋىتتاردى كەڭەيتٸپ, جوعارى تەحنولوگييالى ينتەگراتسييالانعان كەشەندەر سالۋ جوسپارلانعان. مۇنداي زاۋىتتار جاڭا مۇناي-حيمييا كلاستەرلەرٸنٸڭ ٶزەگٸنە اينالىپ, ينۆەستورلار ٷشٸن تارتىمدى اكتيۆتەرگە جول اشادى.
تۇجىرىمداما «ستراتەگييا-2050», ۇلتتىق دامۋ جوسپارى جەنە كٶمٸرتەكتٸك بەيتاراپتىق ستراتەگيياسىنا سٷيەنٸپ جاسالعان. جوسپارلانعان ينۆەستيتسييا كٶلەمٸ – 15–19 ملرد اقش دوللارى, بۇل مۇناي ٶڭدەۋ قۋاتىن جىلىنا 18 ملن توننادان 39 ملن تونناعا دەيٸن جەتكٸزۋگە مٷمكٸندٸك بەرەدٸ.
باستى ماقسات – مۇناي ٶندٸرۋ مەن ٶڭدەۋ اراقاتىناسىن قازٸرگٸ 5:1 دەڭگەيٸنەن 2,5:1 دەڭگەيٸنە دەيٸن جاقسارتۋ. سونىمەن قاتار قۇجات ەكولوگييالىق ستاندارتتاردى كٷشەيتٸپ, زيياندى قالدىقتاردى ازايتۋعا باسىمدىق بەرەدٸ.
تۇجىرىمدامانى جٷزەگە اسىرۋ نەتيجەسٸندە ٸشكٸ نارىق ساپالى مۇناي ٶنٸمدەرٸمەن قامتىلىپ, ەكسپورتتىق ەلەۋەت ارتادى, جاڭا جۇمىس ورىندارى اشىلىپ, قازاقستاننىڭ ينۆەستيتسييالىق تارتىمدىلىعى جوعارىلاي تٷسپەك.
