Elordada jeti jastaǵy 1-synyp oqýshysy "virýstyq meningit" aýrýyna shaldyqqan bolýy múmkin degen diagnozben infektsiialyq aýrýhanaǵa jatqyzyldy, dep habarlaidy Sputnik.
Astana qalalyq qoǵamdyq densaýlyq saqtaý departamentiniń jetekshisi Sádýaqas Baiǵabulovtyń aitýynsha, bala 12 qazan kúni aýyryp bastaǵan. Qazir onyń jaǵdaiy jaqsy jáne dene temperatýrasy qalypty.
"Oqýshy oqityn synypta profilaktikalyq sharalar júrgizilip jatyr — bólmeniń ishi men aýasy tazartylýda. Ádette virýstyq meningitke shaldyqqan kezde adam saýyǵyp ketedi. Naýqas aýrýhanaǵa der kezinde qaralǵan bolsa, nebári on kún ishinde úiine jiberiledi", — dedi Baiǵabulov.
Balanyń ainalasyndaǵylarǵa esh qaýip tónip turǵan joq. Meningittiń bul túri ózgelerge juqpaidy. Buǵan onyń immýnitetiniń álsirep, jeke bas gigienasyn saqtaýy sebep bolýy múmkin. Meningittiń bul túri tez emdeledi.
Qazan aiynyń basynda 34 jastaǵy Astana turǵynynyń meningokokk infektsiiasyna shaldyqqany belgili boldy. Jyl basynan beri respýblika boiynsha meningit juqtyrǵan 83 naýqastyń bary belgili boldy, olardyń 15-i kóz jumdy.
