Foto: Gov.kz
QR Ulttyq akademiialyq kitaphanasynda Mecenat.kz ádebi syilyǵynyń 5 maýsym jeńimpazyn marapattaý rásimi ótti, dep habarlaidy Ult.kz.
Mecenat.kz – qazirgi Qazaqstan týraly úzdik roman úshin beriletin jyl saiynǵy ádebi syilyq.
Joba – otandyq kórkem ádebietti damytýǵa, qalamgerlerdi qoldaýǵa, oqyrman qyzyǵýshylyǵyn arttyrýǵa jáne qazaqstandyq shyǵarmalardy halyqaralyq naryqta tanytýǵa baǵyttalǵan táýelsiz azamattyq bastama. Ádebi syilyq jeńimpazy ashyq daýys berý arqyly anyqtalady.
Biyl baiqaýǵa 33 ótinim tústi. 5 maýsym qorytyndysy boiynsha Esbolat Aidabosyn «Búkir» romany úshin jeńimpaz atandy.
«Búkir» romany – jylqy taǵdyry arqyly adam qadiri, áleýmettik teńsizdik, ar-namys pen rýhani izdenis taqyryptaryn arqaý etken shyǵarma.
Jeńimpazǵa qazaqstandyq «Freedom Life» ómirdi saqtandyrý kompaniiasynan QR Ulttyq bankiniń tólem jasalǵan kúngi baǵamy boiynsha ómir boiy ai saiyn 500 AQSh dollary mólsherinde tólenetin erikti annýitettik saqtandyrý polisi tabystaldy.
Is-sharaǵa QR Mádeniet jáne aqparat vitse-ministri Rýstam Áli, syilyq metsenaty, Freedom Holding Corp. bas atqarýshy direktory Timýr Týrlov, joba negizin qalaýshy Erlan Asqarbekov, baiqaýǵa qatysýshylar, oqyrmandar jáne ózge de qonaqtar qatysty.
Saltanatty rásim aiasynda kópshilikke 5 jáne 6 maýsymdaǵy jańashyldyqtar tanystyrylyp, baiqaýdyń 5 maýsymy týraly derekti film kórsetildi.
